女团VIVA早前推出新歌《FOMO》，为宣传新歌，日前拉大队杀入利东街，更召集超过一百三十位舞者一齐快闪，“一镜到尾”跳《FOMO》劲热血，整条街顿时变成巨型舞池，网民大赞狂Like！

整个表演“一镜到尾”拍摄，VIVA边唱边跳，分别跟近二十组舞者由街头跳到街尾，最后集合过百人齐齐大跳《FOMO》，虽然拍摄时间于上午，但整条街的途人都看到不舍得走，不少人也跟着一起跳。虽然说是“快闪”，但其实“闪唔到”。

片段一出，网民疯狂洗版，大赞“好热血，feel到大家都好热爱跳舞”、“大癫，香港需要有呢啲！”。讲到完成呢个疯狂project的感受，VIVA回想：“排练𠮶阵已经觉得癫，冇谂过真系可以召集到咁多人一齐玩！”

事后VALC激动话：“真系梦想成真！可以见到大家好努力跳同学呢首歌嘅编舞，真系好感动，每个队伍为呢首歌增添咗自己嘅色彩。多谢大家投入时间同努力同我哋一齐做到呢件事。”Carina都话整件事好热血好青春，多谢每一位支持我哋呢个project嘅dancers，辛苦你哋陪我哋完成咗咁多take。𠮶日见到每一位，就算系跳唔同嘅舞种，表演嘅时候对眼都系发紧光！”Macy就大爆拍摄秘辛，“第一次听到呢个Mission嘅时候，觉得好新鲜又有挑战性。去到现场就收到任务，我完成咗第一个shot后要喺街头跑到街尾。因为当日有啲身体不适，所以听完都感到有少少压力。但系现场有好多好热血嘅Dance crew去support同支持我哋，帮助我哋完成呢个好型嘅任务，所以一定唔可以甩同淆底，哈哈。”至于向来眼浅的Ada话见到大家一齐跳的时候，真系眼湿湿，“因为感受到香港跳舞社群嘅力量，虽然跳到身水身汗，但绝对值得！”最后，VIVA表示，如果反应好的话，快闪活动将会陆续有嚟。