【裕美/五索/林作】林作昨日（11月22日）召开记者会，表示要为有关“裕美另起炉灶”的不实报道，为女友作出澄清。裕美与人称“最强小三”的“五索”钟睿心（Rachel）以往经常拍片，无论是裕美的个人社交平台，或是“五索”的个人社交平台，都会彼此出现。近来传出两人不和传闻，指不再合作拍片，而“五索”亦有新拍档“暖宫油王子”Gabriel Ho。传闻引起粉丝讨论，林作开post表示达一万赞好后就会开记者交代，结果成功达标，林作亦遵守承诺，开记者会交代的内情“花生”相当之多。

林作爆姊妹反目内情？　五索向裕美借十几万做生意：冇睇成系金山

裕美“人情价”捧五索钟睿心成名　林作揭只收几旧水：帮佢起机

除了以上内容外，席间林作亦被问起近日JPEX官司一事。他回答：“由于已经进入司法程序，梗系冇呢个comment啦，我其实喺两年前已经做过一个比较大型记者会讲过嘢，到今日依然一样，所以我冇咩去补充。不过我觉得林作就系一个打逆境波嘅人，面对逆境去成长，所以大家有好多fans去睇我podcast，YouTube，里面可能都讲过一句说话，英文嚟，真系好啱我而家情景。‘The Obstacle Is the Way. What stands in the way becomes the way.’逆境系我嘅成长同埋向前行，重要嘅源头元素，所以同我两年前讲一样，我会积极。”

早前裕美到庭旁听时，被传媒拍下丑照，林作透露女友相当介意。林作笑一笑后，回复：“啱，我真系要重复一句头先我讲嘅‘The Obstacle Is the Way. What stands in the way becomes the way.’呢一个古老哲学道理。障碍就会成为你嚟紧嘅方向，障碍就会转化成机遇。我唔剧透，但系我可以话畀大家听，美美因为喺法院门口呢张相，多咗至少一个广告商嘅Job，喺我相信近期都会出现嘅。就系因为𠮶个广告商对于佢喺门口呢一张艳照非常感到印象深刻。我自己都觉得好笑，但系个广告商开宗明义讲，要有𠮶个画面出现。（裕美好嬲？）嬲，平时我影佢一张冇咁靓嘅相，我只系摆喺我部手机，佢已经嬲到爆，可想而知，铺天盖地影到佢，佢几大反应。”