陈百祥（叻哥）向来敢言，早前出席活动时火力全开，竟公开寸爆无线电视（TVB），句句掷地有声。他更为早前与TVB不欢而散的炎明熹（Gigi）发声，抛下一句“而家冇人需要靠TVB”震撼全场，直指电视行业已是夕阳事业，惹起网上热讨。

前无线总经理陈志云今晚（13/12）现身西九文化戏曲中心出席音乐会，就事件接受《香港01》访问时表示：“其实夕阳可能讲得过咗少少，譬如好似你而家睇翻科技不断进步，好多唔同嘅技术出现呢一定系会有挑战，而传统嘅主流媒体都系面对呢个挑战嘅，但系始终主流媒体都总会有佢嘅一个嘅优势，但而家会唔会观众会少咗啊 ？因为大家时间都得 24个钟嘅啫嘛。但系选择系多咗，咁多我反而觉得而家系一个几好嘅契机，可以令到成个行业大家嘅生态同埋文化，可以改变一下。”

陈志云续指：“我哋应该系共存共荣，就唔系你死我亡嘅。我哋要大家面对嘅呢喺出面外边嘅竞争，就反而唔系自己嘅竞争，咁呢个都系一种好嘅变化嚟，就等于到今日纸媒都冇完全被取替，系咪纸媒系难做咗好多，事实系难做咗好多。但系佢都有佢自己嘅定位。”

对于阿叻指现时艺人不须靠TVB，陈志云表示：“其实佢又唔系错得晒。但系呢个现象好早已经出现啦，譬如好似我最记得好多年前，《来自星星的你》冇喺主流媒体播，呢个剧嘅金秀贤亦都可以红到咁，以前系唔会发生，纵然嘅系冇咗一个香港最大嘅电视平台播放佢都可以红望到佢嘅影响力，咁呢点亦都系确实嘅。”

陈志云强调现时好难一台独大：“如你话TVB现时系咪大台，佢就梗系啦，因为佢根基好嘛，但系呢个根基呢都系有咗好多新嘅媒体嘅平台，都系同佢抢嘅，无论系观众啊或者广告嘅客户啊都有 。但系你问佢系咪仲系一个大台，佢梗系一个大台啦。（无线算唔算依然独大？）佢而家依然系最大，但我又唔认为佢系独大，冇嘢可以独大。正如头先我所讲，《来自星星的你》系咪冇咗 TVB嘅平台佢就唔会红呢 ？唔会啰。譬如好似 MIRROR系咪冇喺TVB𠮶度出现，佢哋就会唔红，唔会啰。”