现年75岁的李龙基与比他细36年的未婚妻王青霞（Chris）的“爷孙恋”正式玩完。早前YouTuber“导游哥哥”Hugo爆料指王青霞2007年与陈姓男子结婚，育有16岁儿子，现居佛山并在父亲窗架零件厂工

作，陈姓丈夫为王父助手。 冬至当日，王青霞与丈夫、母亲同台食饭，未与李龙基共度，成为分手导火线。

李龙基指自己好大打击

李龙基今日（12/1）现身观塘出席活动，就事件接受《香港01》访问时说：“近来爆出佢好多嘅秘密，搞到事情好似好大咁，当然对我自己嚟讲都好大打击，都好啦，而家自己就折埋心水告一段落。但始终都要需要时间去消化，有时喺屋企见到佢啲物品都会触景伤情。咁所以我都掉咗佢好多嘢。”

李龙基放钱喺柜桶畀王青霞任攞

李龙基续说：“佢系有亲口同我认佢已经结咗婚，因为唔到佢唔认，都俾人爆晒出嚟。其实喺冬至之前，我觉得我唔需要同任何人交代，只不过冬至俾人爆咗咁多嘢之后，咁我先知道，原来佢系仲未离婚，同埋有个仔。（拍拖期间你每个月俾几多钱生活费佢？）其实我冇，通常我啲钱放喺个柜桶度，佢钟意就攞，都系一万几千咁。（有冇计过花咗几多钱喺佢身上？）其实我对钱唔敏感，钱财身外物。”

曾发现女方有妊娠纹

被问到同王青霞相处时有否发现对方曾经生育过？李龙基表示：“我曾有怀疑过。（发现有肚纹？）的确系有，咁所以系有怀疑，但我就咁谂，若然我爱佢，若然佢真系有个小朋友，冇问题㗎，我自己都有啊。只不过如果佢坦白同我讲我冇嘢。（有冇尝试问对方？）如果我咁样去问，只会伤感情，就会散。”提到为了王青霞放弃自己原有的家庭，如今分手收场，被网民闹爆报应。李龙基表示：“我唔会再话后悔，因为我觉得好多嘢教有所安排，我自己好信命运，个天安排咗系咁，当一个人能够走埋一齐，就系上天安排。当一个人要走，系留唔到。”

而上月YouTuber 导游哥哥揭发王青霞在冬至陪老公，李龙基今日亦有再回应，他说：“⋯⋯当然亦可以咁讲，一方面我系伤心，另一方面亦系多谢佢，若然唔系佢（导游哥哥）我可能都蒙在鼓里。”