落选港姐钟翠诗接受《香港01》专访时，一提起被亲人误解的经历，眼泪就不自觉流下来。哭诉入行以来最难受的，并不是被外界质疑美貌或实力，而是听到有些亲戚友批评：“入娱乐圈做咩？咪就系贪虚荣，做高档鸡啰。”这句说话刺入心入面，令她一度怀疑自己追梦的初心。钟翠诗说：“为咗唔想屋企人担心，呢啲负面说话从来都唔出口，只系自己默默去承受。

专访播出后，引起社交平台上极大回响，大批网民留言为钟翠诗打气。有网民留言：“追梦从来唔容易，最难系顶住误解仍然选择坚持。”也有人写道：“佢真系讲咗好多女仔嘅心声，愿佢继续闪亮下去。”网民纷纷表示希望社会能少些偏见、多些包容。

母亲心碎自责

钟翠诗今日（20/2）接受《香港01》访问时表示、专访出街后，最先有反应其实是母亲：“其实寻晚出呢个报道之后，我妈咪好快就收到呢个消息，佢返到嚟屋企嘅时候见到我，就即刻上前揽住我，佢𠮶一刻我明白到佢应该睇咗个专访，佢先知我原来有呢啲嘅感，因为平时我好少同佢分享我内心嘅感受同想法，同埋过往我都比较独立，以前都系喺外国读书，好多问题都系自己应付，所以通常我都系报喜不报忧。”

钟翠诗续说，母亲看完报道后其实有点难过，因为从没想过女儿都会有情绪崩溃嘅时候：“妈咪话见到我喺镜头前喊，佢都几震撼又心痛，怪责自己唔了解我，自己唔应该咁迟先知我有咁大压力，点解唔同佢讲。佢又同我讲，无论我经历咩事，爸妈都会喺我身边，系我最强嘅后盾，仲话佢相信我一定会坚持自己嘅初心，唔会行歪路。”