李龙基（基哥）的发型，长期都有一撮非常Sharp醒抢眼的粉红色挑染（highlight），亦可说是他的标记。不过近月已不见其头顶再现招牌“粉红毛”，莫非随著他跟王青霞正式情已逝，他连染发都冇心情？基哥早前接受《01娱乐》访问时，就亲解粉红毛消失原因，更透露是有高人指点。

为显后生染粉红毛　相士警告大火之年忌火：烧死你

基哥在《01娱乐》访问中，坦言自己由细到大都喜欢粉红色，所以连头顶都喷上粉红色，也是他表演时必备造型，希望看上去年轻点，不似一个普通老头：“白‘晒晒’好似个老人家企上台，我就觉得欠缺啲乜嘢，所以特登搞啲嘢出嚟，等佢哋转移人哋嘅视线。”不过他就表示，经相士提点，决定今年暂时不再染粉红色，要停一停：“今年我唔搞喇，因为听相士讲，今年大火，大火之年，我就属木，再整一执火喺个头，烧死你！所以你睇，我而家唔搞啦，过咗今年先。”

获提议头顶染绿色增运　基哥高EQ自嘲：我都冇老婆点整绿

基哥近年可说是是非缠身，一波未平一波又起，月前更与女友王青霞分手，女方被指早在国内有老公和十几岁儿子，问到是否想改改运所以揾相士，基哥指自己其实并没有找师傅睇相、睇流年运程的习惯，纯粹是早前上电台节目，节目找了位年轻相士帮他算命，并谓：“佢就话你属木，今年大火，仲整执咁嘅嘢？最好唔好啦，我听吓佢讲啦，希望好啲。”问到相士可有建议他不染粉红色染其他颜色增运，他笑说：“绿色，佢话最好个头整绿啦，我都冇老婆，点整绿个头？哈哈哈！（记者：你自己冇呢个忌讳嘅？）我不嬲都冇嘅。（记者：有啲人连绿色帽或者绿色头饰都好避忌，你会唔会觉得绿色可免则免？）我唔系避忌，但系既然个个大家都系咁嘅思想，无谓惹大众不满啦，系咪咁讲？”

看透是非拒做法事化解　谈新一年愿望：希望小人远离我

谈到过去两年负面新闻多，可有想过找师傅帮手化解，基哥就表示没有这个打算：“我冇谂过揾啲咩其他方法，冇，只不过……我成日都觉得，我好信天意，个天已经安排系咁就咁，当然凡事有两边，有啲好有啲唔好，每一件事都系，好可能呢件事大家都觉得对我佢系唔好，但系另一方面，未必㗎㖞，点解呢？因为呢单嘢，我就发觉我身边真系好多好好嘅朋友，好好嘅朋友，成日关心我，甚至乎国内都有，加拿大亦都有、美国都有，好关心我，咁我先觉得，呢几十年来，我都积聚唔少好朋友喺度，所以我觉得，唔系坏。”而讲到新一年有何愿望，他就表示：“希望小人远离我啦，大家身壮力健啦，健康系最重要嘅！”