早前《仁美清叙春茗晚宴2026》除了有罗霖、庄韵澄等圈中“美魔女”出席外，还出现了一位令人意想不到的嘉宾 - 刘晓彤。刘晓彤为《欢乐今宵》（EYT）的主持之一，专演绿叶配角，亦饰演过不少深入民心的搞笑角色，也曾参演《美味天王》、《鹿鼎记》、《男亲女爱》及《搜神传》等多套经典剧集。

刘晓彤想复出

刘晓彤在2004年与从事鞋业严姓商人结婚，2006年传出怀孕消息并淡出娱乐圈，2008年播出的《搜神传》就成为了她在无线（TVB）的最后一套演出作品。日前她出席《仁美清叙春茗晚宴2026》时接受《香港01》访问，就分享了她婚后近况，言谈之间，表示有意复出“揾啲细艺做吓”，令人相当期待。

农历新年揾阿姐拜年

访问中，她透露农历新年时去揾阿姐汪明荃拜年，坦言已有一段时间没有拜访阿姐，所以趁新年上门：“今次就专程揾佢，我呢个小后辈，好尊重我呢个大前辈嘅有心嘅问候。”她回忆道，以前做骚时大年初一总会与其他同为后辈的同事一齐拜访阿姐汪明荃，但后来淡出娱乐圈后就很少拜访：“自从我冇做之后，呢个年初一就唔关我事好耐啦，带埋我啲小朋友去就系上一个鸡年，都十二年啦，所以今次好开心！”她又笑言，汪阿姐人面广，所以新年时她的家中的就似是花市般热闹。她又坦言，最开心的是收到阿姐的“新年祝福”：“我做𡃁𠮶阵时佢已经畀我㗎啦，虽然我而家唔系𡃁，但我都系个𡃁嚟㗎！因为阿姐面前，任何人都是𡃁嚟㗎。佢嘅利是封，一路都有keep㗎。有福气嘅！”

刘晓彤：趁我仲有少少energy

问到工作近况，她笑言自己已休息了一段时间，过去20年主要“工作”就是照顾小朋友：“一路都系照顾小朋友，咁小朋友而家都大啦。其实我之前都讲过㗎，未来想睇吓，有人揾我做吓嘢咁。”她又续说，无论是拍剧、做主持或综艺都可以。“总之我觉得人个年纪只会愈来愈大，趁我仲有少少energy，唔系少少啦，仲有好多energy，我希望可以弹下弹下出嚟玩吓咁样啰。”

EYT笑匠：大骚轮唔到我

刘晓彤活跃于90年代，曾于《欢乐今宵》扮鬼扮马上位，为当时有名的谐星之一，性格爽朗率直，所以观众缘也颇为不错。近年她亦开设了YouTube频道，专门分享健康资讯。访问中，记者提议她回巢发展，或是主持大骚，她则笑言：“大骚轮唔到我。”并说：“其实边度揾我都冇乜所谓。因为真系好多时市道又唔系咁好，你有得拣啊？唔系啊嘛？”

“麦美恩算唔算新人？”

她续指，工作不在乎收入，更重要的是旨在回馈行业：“唔关收唔收得平事，我觉得我哋咁样可以出嚟做，都系希望回馈下。可唔可以讲回馈下？（可以嘅）又或者系自己又好想见识。”她坦言，廿年变化很大，希望同新一代有交流。记者问有没有留意时下新一代主持、演员，她坦言：“好少，因为我净系追‘韩嘢’，所以见到嘅，都系好旧。（边啲系新？）Mayanne（麦美恩）挂，算唔算新呀？”记者表示，麦美恩和森美已算是前辈级。她又说：“森美都唔系唔前辈，森美唔系新人呀嘛。（Mayanne同你风格有啲似）点会，佢做得咁好，我根本唔入流啦！”

讲起BTS双眼发光

话锋一转，谈起她最爱的韩流时，刘晓彤“双眼发光”，直言自己喜爱十分多靓仔韩星，更特别表示自己十分想睇《BTS WORLD TOUR》2027年的演唱会。“我睇好多韩剧嘅。因为我好appreciate韩剧！譬如我话韩剧𠮶啲，可能都系因为睇好多韩剧，所以我系有去学韩文，钟意嘅程度系去到咁样。”她表示，因为想在睇演唱会时，明白自己的偶像说话的含意，所以就去了学韩文。“学到好basic嘅嘢，第时我睇我嘅防弹演唱会嘅时候，佢讲乜嘢我都听到啊嘛！冇求佢讲嘅嘢都听得明，听到都开心啰，因为好多时，演唱会佢讲嘅嘢，作为fans可能个星讲啲嘢好感动，你唔识听，你唔可以即时同步同佢有𠮶个感觉，好浪费啰！好希望可以做到呢样嘢。”