《医啲阿妈都唔知》是由陆永伙拍黄嘉雯(Carmaney)主持的健康资讯节目，每集请来医护相关专业人仕，从健康出发以轻松手法，认真讨论与各人息息相关的日常健康话题，改正一些医学认知的谬误。节目逢周一、五晚9点半及周二、四晚9点35分于TVB Plus(82台)播映。

探讨常有的饮食迷思

明晚（13日）阿妈教仔女话“唔好成日出街食饭，出面啲嘢食好多盐、好多味精，食得多唔健康。仲要每日要饮8杯水……”，到底有几真？嘉宾主持邹重璂医生再为观众拨乱反正，他说︰“盐入面嘅钠对身体非常重要，差唔多谂得出嘅功能都关钠事。譬如细胞体液平衡、神经传导、肌肉收缩、肾状功能，几乎你谂得出都关事，无盐系会死人。至于摄取量系太多唔好、太少唔好，点为之中间呢？”邹医生接住讲出重点，人有自我调节机制，盐吃多了自然会口渴饮水冲淡，所以不用担心。接住他讲出盐的典故，原来英文“Salary”（薪水）一字，便是从“Salt”（盐）变化出来。古时罗马士兵的军饷是用盐支付，足证有多重要。

医生揭无盐会死人

邹医生表示虽然人体有调节机制，但凡事有极限。就好似早前KOL提出的食盐理论，指“肾脏每日可以排走大量钠质约为1.4至1.6kg”，而遭到网民围攻。邹医生直言先不作讨论是否有人会食几磅盐，但明显这个量已超出人体负荷，他说︰“系唔会亦唔可以食咁多，而且数据只系针对肾脏㖞，食咁多盐会令脑、心脏同血压，出,现好多问题。”

“一日8杯水”论纯属虚构？

此外，节目中Carmaney提出“一日8杯水”的理论，她自言曾好认真每日数住是否饮够份量。一如所料再被邹医生“打沉”，他解释原因说︰“首先从来无任何科学证据证明，每日饮8杯水系啱嘅。再稍为谂下都知道，唔同年龄、性别、高矮肥瘦各样嘢，唔同嘅人有咩理由大家都系饮8杯水。”他补充这个理论只是想提醒都市人记得饮水。