香港电影导演会周年晚宴暨年度颁奖典礼，昨晚（3月22日）于尖沙咀丽晶酒店举行，不少电影人、演员都有出席盛事，星光熠熠。

谈港产片未来：如果平平稳稳拍，不如唔好拍啦

《九龙城寨之围城》导演郑保瑞接受传媒访问，透露指《九龙城寨之终章》现已拍摄当中。谈到近年睇戏习惯，他也认同觉得较少观众入戏院睇戏。“因为太多选择，我哋创作人都要面对，到底系乜嘢题材，观众先会买飞。因为唔使钱嘅嘢太多，你畀几廿蚊一家人睇，睇一个月睇到你唔睇。”面对电影业困境，他也说：“唔可以系旧题材，如果平平稳稳拍，可能大家劝你：‘不如唔好拍啦。’”

《九龙城寨2》古天乐减片酬？佢都要食饭㗎

访问中，也问到《九龙城寨之终章》的拍摄进度，导演郑保瑞表示场景将会升级而且更大：“使嘅钱多咗定少咗？咩物价都贵咗啦，系第二度悭吓啦。（咩地方悭到？）我都唔知呀，样样都悭啲啦，摆落画面度啰。（叫古老板收少啲？）古老板已经收好少啦，你唔好再讲啦，佢都要食饭㗎。”他亦表示，《九龙城寨之终章》也会加入新人，着大家期待。

传吴彦祖顶替木村拓哉

早前有传吴彦祖本来的角色本由木村拓哉出演，后因各种原因才由吴彦祖顶上。导演郑保瑞也亲身回应：“我先代表剧组向曾经受过影响嘅演员，讲一声对唔住，唔好意思！其实除咗你哋传𠮶几位，有啲你哋采访过佢哋，我觉得都系麻烦咗佢哋嘅。自己都好开心大家关心呢部戏，我明白嘅！我都唔好意思嘅！”

亲身解画：冇替代呢样嘢

他续说：“另外我想提一提系吴彦祖，我好开心可以同佢合作，佢饰演嘅角色从头到尾我都系要吴彦祖，系冇替代呢样嘢。佢好有演员道德，冇讲任何嘢！我作为导演，片方好似传得太犀利，大家觉得系真！我觉得有需要企出嚟澄清！我好开心可以同吴彦祖合作，我净系揾个吴彦祖一个人去见呢个角色，开头我都唔知佢肯唔肯㗎，同佢沟通完大家觉得可以合作就落实啦！”