梁敏巧将于本月24号迎来她的31岁生日，今日特地与一班粉丝一起举行派对预祝生日。梁敏巧说：“今年系第三年搞呢个活动，今次想喺母亲节搞，可以趁机会祝啲妈妈母亲节快乐。自从《女神配对计划》节目播出之后，我多咗啲妈咪fans同小朋友fans。我喺ig开live都有小朋友睇，我会叫佢哋畀心机读书，好好学习，有妈咪fans同我讲佢囡囡有听我讲努力读书，学业真系进步咗，话我讲一句好过佢讲10句。有啲妈咪因为佢哋小朋友系我fans，佢都做埋我嘅fans。”她今日还特地准备了花和小礼物送给粉丝。

“暖男律师”刘启进送红玫瑰表爱意

而梁敏巧的绯闻男友“暖男律师”刘启进（Matt） 当然也有来为寿星女预祝生日，还送上一大束心型红玫瑰表白爱意。问到梁敏巧何时才会公开与Matt的恋情，承认对方是男朋友的身份？她说：“我哋真系无拍拖呀。（系咪友达以上恋人未满？）唔话畀你听，唔答。我哋嘅相处好舒服。（咁仲差啲咩？）唔知，大家咁样相处几好，好舒服。（咁你系咪available？）我系available呀，佢都系，我哋互相都系㗎。”

自认自己系豪门唔靠男人养

提到早前梁敏巧于ig po相晒出身上价值逾港币16万的名牌首饰加手袋，问到是否Matt买给她的？梁敏巧即说：“梗系唔系，佢同朋友拍片有讲话有咩钟意就自己买啦。个手袋我旧年去猫仔婚礼时已经用紧。（自己有能力唔使靠男人买？）系，我就是豪门。（可能Matt想入赘？）佢唔会啦，佢好独立，佢揾好多钱㗎。（赞成拍拖要财政独立？）无乜所谓，如果佢觉得照顾我养我系开心嘅，我乐意接受，无都无所谓，自己都养到自己，但系生咗小朋友就唔同，一定要以小朋友为先。（老公啲钱要唔要畀晒你？）我对钱无咩概念，如果生咗小朋友，我啲钱可以畀晒老公管。”至于生日愿望，她说：“爆job爆骚，想试下拍剧，咩角色都得，有角色有得发挥就得。”Matt又补充平日也会送些有小礼物小惊喜给梁敏巧。