现年41岁的前男团Boy'z成员张致恒（Steven），近年因债务及感情问题形象插水后，一度被网民封为“负评王”。不过自去年起他放下艺人身段，转行做搬运工人，多次被网民野生捕获“大汗叠细汗”送货，自力更生的形象令风评开始有起色。与老婆雯雯育有四子的他，日前接受YouTube频道《鼎丰盛GPM》访问，罕有大谈目前的还款情况，以及凑仔的无尽心酸与担忧，特别是二子患有过度活跃及自闭症，需要照顾一生。

仍孭巨债每月尽力还钱　恳请朋友高擡贵手

张致恒与老婆雯雯长期陷入财困，他曾透露一家六口还有宠物每月开支高达3万余元。在访问中，被问到还清债务未？他坦言：“讲真，真系未还晒，因为始终要照顾屋企凑住啲小朋友，系一件几难嘅事。”

他指现时经济状况正慢慢好转，但“灯油火蜡”及小朋友的开支实在非常庞大，故每个月尽力把所剩余的钱还给朋友，“虽然唔系好多，但希望大家高擡贵手，我真系尽力去揾钱同埋去还钱畀大家，希望来年会揾多啲，然后希望快啲还晒佢。”

二子病情最心酸：5岁唔识讲嘢

访问中，最令张致恒感到心酸的，莫过于照顾二子的经历。他直言二子凑得最辛苦，因其患有过度活跃加自闭症。他忆述二子出世时肠胃已不好，每晚要孭住他才肯瞓，“我系企喺度瞓，有时就坐喺梳化佢就孭住喺心口咁样瞓，因为佢个肚成日都唔舒服去唔到便便，所以有时要帮佢按摩要屙到为止，佢一瞓低呢就喊，就会瞓唔到觉。”

二子现时已将近5岁，但依然不会说话、不会表达自己，情绪亦难以控制。张致恒表示：“5岁未识讲嘢......而家仲更加辛苦，因为佢嘅情绪好难控制到。尤其佢一唔咬住个奶嘴呢就会发烂渣，就会周围掉嘢可能会打人。”

忧心忡忡：我死咗边个照顾佢

带二子出街更要面对别人的奇异眼光。张致恒分享道：“好似今朝早我带佢返学佢咬住个奶嘴，有个婆婆，同伯伯上巴士，佢望住‘Jip’一声，都唔知点样做人阿爸嘅，咁大个仲畀奶嘴佢食，咁我个心系嬲嘅，人哋唔明白你小朋友系点样。”

他坦言别人眼光最难接受，但生得出来便要负责任。因二子长大后越来越大力，雯雯及工人在体力上也难以应付，令他非常担心：“我点样先可以负返做父亲呢个责任去照顾佢呢，因为照顾佢唔系话OK啦，等佢大个咗我可以唔照顾，而系到我死之前我都一定要将我嘅责任摆晒喺佢身上。”他直言每次想起这件事都会不开心：“因为我好惊自己死咗之后，佢系照顾唔到自己，又或者啲阿哥、细佬照顾唔到佢咁点样呢，呢件事喺我心里面一直都好担心。”

七仙羽曾借六位数应急

虽然家庭及负担极重，但张致恒近年积极谋生。除了做搬运工外，其经理人早前更预告他即将复出，有意举办个人演唱会。堪舆学家七仙羽则曾爆料指曾告张致恒一家借出“六位数”应急，张致恒随后亦发声道歉，强调有还钱之心，坦言“呢一年里面，我都好努力去做嘢。”到底这场演唱会能否帮其扭转颓势，脱离“离婚界KOL”的标签，网民评价依然两极。