“十个男人九个滚，剩番一个仲谂紧”、“爱一个人首先要 hurt 佢，因为内疚系维系爱情最好嘅方法”，这些八、九十后耳熟能详的爱情金句，全部出自叶念琛手笔。从影评人、编剧、导演，到近年踩过界做 YouTuber、舞台剧，甚至重拾小说作家身份，叶念琛的创作版图愈来愈阔。今年书展，他推出短篇小说集《沉船记》，将三十年来的文字创作重新整理。面对外界对其作品“黑暗”、“末日感”的评价，他处之泰然：“我唔系黑暗，我系好现实，我从来唔会落糖衣。”

一年出三本小说

叶念琛过去一年出三本小说《情敌》及舞台剧原著小说《鳄鱼之吻》后，今年书展推出《沉船记》。“呢本书有六十个短篇，有啲短到三百字内，内容都系讲男女关系。点解叫《沉船记》？而家讲‘沉船’，意思系你对一个人沉船，即系你真系爱错佢，或者畀佢控制到。我嘅故仔一路以嚟嘅风格，都系讲背叛、牺牲、欺骗，所以就叫《沉船记》，记录好多人沉船嘅过程。”

金句如何炼成？“突然叮一声上身”

提到叶念琛，自然离不开“金句”。那些精警又到肉的对白，到底怎样想出来？“以前我啲电影，无论宣传定海报，每一句 slogan 都系我度嘅。我好钟意度 slogan，我都觉得自己几有呢方面嘅天分。”他坦言，以前很执著于一两句文字的巧妙，觉得“过瘾”，但灵感往往突然涌现。“写剧本𠮶阵叮一声，啲对白会嚟，好似旁边有人讲紧，仿佛你已经入咗创作世界——突然‘上身’咁。”

“我唔系黑暗 我系好现实”

叶念琛的爱情世界，往往充满背叛、计算与出轨，有网民形容为“黑暗”、“末日感”。对此，他有另一番见解：“我只可以讲，我唔系黑暗；我系好现实。我啲戏剧世界系极度现实。我唔觉得我啲戏系超现实；否则唔会有咁多年、咁多人一路都提返起。”

他直言自己的作品是一种“警讯”，就像纪录片一样，告诉观众真实世界会是怎样。“我从来唔会落糖衣。我自己，本身识我嘅人都知，我系一个好直接嘅人；我唔会糖衣包装，亦都唔钟意转弯抹角。”面对赞美与批评，他同样看得很淡：“我一向对所有赞美同批评都比较平淡，因为我成日同自己讲，做𠮶件事本身我钟唔钟意、我想唔想做。我唔想做嘅事，冇人逼到我；我想做嘅嘢，亦都冇人可以阻止我。”

《独家试爱》二十周年：渴望修复经典

除了推出新书，叶念琛亦有意整理旧作。今年是《独家试爱》上映二十周年，这部经典作品在他心中仍留有遗憾。“𠮶阵时真系用菲林拍，当时制作条件好艰苦、时间又紧，所以出嚟个效果有啲不足，就算而家回看我都唔满意。”

他透露曾与发行商提及修复计划，希望透过现代科技重新调色及处理声效，呈现更完善的版本。“其实我哋作为创作人，都想有一个更好嘅版本可以留低。我都希望最少有 Blu-ray，最低限度可以保存得好啲。”他深知观众对其旧作有着深厚情怀，这亦成为他思考未来创作方向的动力。“香港观众或者海外观众对我啲戏都仲好入心，呢样我好开心。但有时都会谂，我接落嚟应该拍啲乜？或者我可以点样喺爱情电影上面有新嘅启发。”

不被框死的创作人：与观众“同步成长”

近年叶念琛的身份愈来愈多，做 YouTuber、拍电视剧、搞舞台剧，他形容自己是个“定唔落嚟”的人。“由细到大我都会 plan 自己想做乜，虽然未必即刻做得到，但我觉得终有一日会做到。”他强调自己就是一个创作人，不应被单一媒体局限。

书展签名会欢迎读者留下交流

今年书展，他将会现身摊位与读者交流。从以前的网上互动到现在面对面倾谈，他非常享受这种关系。“我成日都话，我唔敢叫佢哋做 fans，应该系我嘅朋友。因为我啲戏同好多观众朋友真系同步成长——佢哋睇我啲戏，由读书到结婚到有小朋友，我喺一定程度上都同佢哋一齐成长。”