“最强小三”钟睿心（五索）因与大生银行主席马清铿维持长达十年的婚外情而为人认知，也不时在社交平台分享与马生的家庭片段，大大方方承认恋情。近日，五索上有“DaDa师妹”之称的郭玥彤YouTube频道节目《彤你装炷香》接受访问，提到上灵隐寺参拜求到上上签竟遇到马生，而且曾饮酒饮到酩酊大醉上埋白车。

五索欠债大肚 拜灵隐寺求上上签遇马生

五索接受访问时坦言，人生最低谷是2015年，大肚单亲又欠下十几廿万卡数，“单亲妈妈，带住个仔，冇嘢做，屋企人又唔系好钟意，觉得我做咩大学都未毕业，又大咗肚，屋企人有少少唔support。”她形容为“世界末日”。后来五索把心一横，听有钱朋友讲上杭州灵隐寺，“𠮶时真系穷到，买完张机票钱，都可能返唔到嚟咁济。”五索形容上到去雾气大到如入仙景，“我入到去咩都唔识，普通话又差，咁我就求其拜咗，求咗三支签，求事业、求爱情、求健康，𠮶时我喺三样嘢都冇，三支都系上上签，连续都系上上签。”

五索透露上香时没有特别许愿，但解签人告诉她：“你嚟紧一定会顺风顺水，你只要开心就可以，我睇得出你而家唔信。你信我啦，你会好㗎，你只会愈来愈好。”五索指当时“超级唔信”。最后五索回到香港便遇到马生，“成个人生改变咗。”而当时五索一度怀疑成个签筒都是上上签，但身边的朋友求同样的事，却得三支下下签，五索认为该朋友当年的确过得非常差。

五索曾劈酒至酒精中毒上白车

五索透露，一开始马生觉得她很迷信，“但佢而家俾我感染到，会陪我一齐入寺庙。”五索称佛教令她戒酒，“我以前劈酒劈到入白车𠮶啲嚟，我可以队10几杯，沟唔同酒，好咸酒饮。”五索指该次饮酒饮到上白车“争啲冇命”，指“手脚都郁唔到”，估计是酒精中毒。