电影《厨师发办》昨晚（17/8）于圆方举行盛大首映礼，吸引不少影迷到场支持。有份参与演出的陈纪澄（Tania）今晚亦特别现身出席。她接受《香港01》访问时，大谈拍摄感受及近期的工作动向。

Tania透露，其实早于上映前已在试映会观看过作品，今次是她首度参演客串电影。谈到当时的拍摄经历，Tania笑言过程既艰辛又温馨：“我好记得𠮶日好开心，始终第一次特别深刻。𠮶阵系一大班山长水远到去大埔嘅营地𠮶度拍摄。虽然大家都非常专业，但记得𠮶阵系好冻，又要著到好薄嘅衫，大家就要keep住喺个火炉附近一齐取暖，好有感受！”

被问会否拍到有戏瘾？Tania兴奋表示：“有啊！其实我都觉得今年系一个好特别嘅一年，除咗客串电影之外，自己又报读咗一啲演艺班，之后更接咗我第一套舞台剧，上个月先刚刚完成咗八场演出。”她坦言同时兼顾女团、电影及舞台剧虽然忙碌，但越试越觉得好玩，未来更希望挑战更多不同角色，例如恐怖片等。

由于电影涉及交友软件的题材，被问到私下有否使用相关应用程式时，Tania则笑称自己比较谨慎：“我真系冇，不过试过同朋友一齐玩，佢负责玩，我就望住佢。我问佢有乜好玩，佢就觉得好玩，话可以睇下，我就‘嗯，OK’。”她坦言自己偏向面对面沟通：“我自己觉得面对面实在啲，始终网上认识人，睇啲片同相，现在都好惊诈骗㗎嘛！所以更加唔会啦。”