邱士缙（Stanley）与女友李炘颐（Alina）拍拖 9 年感情稳定，早前宣布订婚，正积极准备婚礼。今日（22/9）Alina 出席品牌活动，接受《香港01》访问时透露婚礼筹备工作已完成得七七八八，指这次特别找来店家为自己量身打造头纱与婚纱，风格相当特别。

为了在婚礼当天以最佳状态示人，Alina 表示自己从活动当日起正式展开节食计划，希望能够消肿并保持线条。此外，她也十分担心自己在婚礼上感动落泪会导致眼肿：“要啦，今日开始之后我就唔食嘢啦！想食清啲，水肿可以走多少少。我最惊自己眼肿，出到嚟啲相肿晒，AI、美图秀秀都帮唔到、执唔到！”

被问到准新郎 Stanley 是否也一同为婚礼做准备时，Alina 笑称对方同样在积极健身。虽然婚礼主要是邀请至亲好友聚餐，但两人对造型依然非常有要求：“我谂佢都好似准备紧 Keep 啦，最多咪佢平时著西装个 V 字咁样啰！今次纯粹系围内 family 食饭咁样，其实都 casual 嘅整件事，不过就著自己想著嘅裙啰。”

提到婚纱照进度，Alina 透露两人早于冬季就已经顺利完成拍摄。自认表达能力较弱的她，更早已提前数个月在手机备忘录中默默记录感言，为婚礼上的誓词做足准备：“婚纱相我哋好早影咗啦，同埋我嘅表达能力麻麻地，所以其实喺我早几个月前，已经开始喺个 Notes 𠮶度慢慢记低啲嘢。”

许多情侣在筹备婚礼过程中容易产生摩擦，但 Alina 表示两人完全没有因此吵架。她赞赏 Stanley 给予高度自由度，所有决定均以她的意愿为主，筹备过程相当融洽：“我又真系冇㖞，系冇乜争执。可能因为佢又冇乜所谓，主要听我主意，问吓佢‘好唔好啊？’，佢话‘好啊！’，咁就好好啦！”