已故乐坛天后梅艳芳的母亲覃美金（梅妈）于8月30日与世长辞，一直扬言要豪花150万元为亡母“风光大葬”的长子梅启明，最终竟被“排除在外”，事后才得知梅妈已低调出殡并火化，早前在西湾河受访时更一度急怒攻心、身体不适要紧急“call 白车”送院！刚出院的梅启明偕同泰籍未婚妻May May一起接受《星岛头条》访问，激动拍台怒轰姪仔暗中操纵、私自火化梅妈兼藏匿遗嘱企图吞夺其口中所谓的过千万身家，更爆出梅妈惨遭火化后频频向他“报梦喊冤”！

质疑姪仔藏匿遗嘱拖延两星期

提到丧事与遗嘱，梅启明火气十足，痛批姪仔当他“冇到”！他透露早已委托律师要求对方交出梅妈遗嘱，惟拖延整整两星期仍未见影：“你既然话有，系咪第一时间交出嚟？点解到现在都唔交？系咪有问题啊？即系阿梅嘅版本啦，阿梅遗嘱又系拖咗八个月，完全一模一样”他痛批姪仔将最怕火的梅妈一火烧掉是“铁石心肠兼冇良心”，更指对方一直阴险部署“想梅妈快啲死”以夺取遗产：“一日阿妈唔死佢一日攞唔到啲钱走”。

梅启明坚称梅妈遗产逾千万

问到梅妈的身家财产，梅启明估算正常计算绝对超过1,000万元：“打官司还打官司，破产由基金𠮶度畀，我唔系话想钱嘅问题，而系一个老人家养咗只狗，不但止咬你，仲要连骨都吞埋你，将你消灭埋，呢啲咩所为？”

说到激动处，梅启明再次大力拍台怒斥姪仔背后操控梅妈：“我对住灯火讲，冇半句反话，讲句难听啲，肉随砧板上，一个成百岁老人家，你控制住佢要佢做乜做乜，佢心中有数，我喺阿妈条肠出嚟我唔知佢谂乜做乜咩？但佢（姪仔）唔系，佢系深谋远虑，叫佢都唔睬，呢啲咩人嚟？简直系畜生！”

梅启明爆梅妈死得冤枉

他更爆出梅妈死得极其冤枉，并声称对方曾多次报梦给他，直言：“佢最怕火，你烧到佢咁，讲句难听啲佢瞇埋眼都要趷起身，佢报梦畀我听就系咁”他又谓针唔拮到肉唔知痛，自己被冤屈了二十几年，强烈反驳外界一味抹黑他贪钱、只识“摊大手问阿妈攞钱”，强调自己极有骨气，自12岁便出来工作赚钱至今。随后他更直接向梅妈生前好友潘小文开火“如果喺我面前我唔打佢我跟你挽鞋！”

未婚妻May May霸气护航

至于陪伴在侧的未婚妻May May受访时表示，坦言初相识时觉得梅启明口花花兼手多，但看到他一身伤痕累累深感心痛，觉得他为人真实直率。被问到会否担心对方日后再追第二个，May May笑言：“佢老喇，唔惊呀！”又谓霸气表示不会让其他人欺负梅启明，就算要自己赚钱养他也完全没问题：“佢冇嘢特别值得我欣赏，佢个人好直好真又坦白，我就系钟意佢呢样嘢，我唔钟意花心男人，我钟意男人成熟啲，（佢口花花！）而家冇，冇力喇！”

未婚妻May May驳斥第三者指控

对于外界质疑她介入婚姻，May May澄清自己绝非“二奶”：“梅启明同梅妈破产，Joey先嗌交返马来西亚住，我冇出现过，佢破咗产先认识我。”现于中餐厅上班的她透露，梅妈生前曾亲自买玉鈪送她、在家中喝她斟的茶兼拜神认可其媳妇身份，临终前更交代她要好好照顾梅启明。May May坦言是自己强行叫梅启明停工休养：“佢好硬颈，唔见我哋四年，所以我同阿妈讲我日日都返工照顾佢个仔，叫佢唔使担心，等佢安心啲。”