张致恒（Steven）与妻子区燕雯（雯雯）的财困风波愈演愈烈！早前有债主在网上撰长文称踢爆张致恒的“真面目”，直斥他与雯雯多年来利用“穷、欠债、4个小朋友、自闭症”四大套路博取同情，吸引外界关注。昨日（2日）债主兼苦主M接受传媒访问时，再揭张致恒欠债拖足4年都不还，更惊揭张致恒一期电费逾九千元，相当大使！

《香港01》联络到张致恒接受电话访问，亲自揭开这笔债务的来龙去脉。他更向本报提供与澳门债主的通讯软件对话截图，力证对方曾承诺“一笔勾销”，无奈表示债主疑出尔反尔兼恐吓：“话当做善事！”

相关新闻：张致恒被债主揭欠7万拖足4年不还　一期电费逼近1万使费惊人 相关新闻：张致恒叹借钱为势所迫　亲解一期电费$9,489之谜：有老板帮我畀咗

起因：抖音结识澳门叠码仔

对于欠款的由来，张致恒解释：“2022年发生，𠮶段录音系我认识嘅一个人流出嚟，当时我系喺抖音里面识咗一位澳门嘅朋友，佢话佢系做叠码仔嘅，咁当时因为佢都知道我屋企系有困难，咁我分开咗好多次，问佢借几千，2千、3千、4千咁样问佢借，去到后期佢叫我还嘅时候，我大概记得系四万蚊左右，喺𠮶段时间其实有还过畀佢”。

曾还两万以为一笔勾销　截图证债主称“当善事”

张致恒指出，最后一次已经还了两万元，并展示了二人对话截图，并有第三方作证明。根据截图显示，该债主曾明确表示：“你争我条数，有（如）佢愿意打五折还俾我，即系还两万蚊俾我，我就算数，其他就当我自己做善事蚀得（咗）出去”。在对话中，对方收取了两万元人民币的转帐后，更承诺“总之我唔会再追佢”，并表明“视频我会删”。

张致恒无奈地说：“还咗两万蚊畀佢，佢喺微信𠮶度写到明，还完之后就一笔勾销啦！就当后面𠮶啲数捐咗佢当做善事，咁我以为件事完咗。”

债主突反口加码　称计漏支付宝欠款

没想到事件其后出现变数，张致恒指对方突然又称欠7万元，他说：“上年佢又突然出现返，话原来除咗微信之外，喺支付宝有借过畀我，唔知点解又变咗六万几，然后又变咗七万咁样”。根据另一张对话截图显示，该债主向其律师友人表示“原来张致恒争我唔止四万几啊，原来我支付宝仲有借钱畀佢”、“因为上次同你倾𠮶阵时我计少咗，唔好意思”。债主随后更反口称“所以我都系要追佢还钱”，并表示“所以我同你讲返声先，我唔想你话我冇口齿”。

屡遭恐吓踩场　影响工作只够还几千

对于债主步步紧逼，张致恒坦言非常害怕对方搞事，导致流失大量工作机会。张致恒说：“因为佢曾经喺2022年之后啦，我试过去唔同地方做show，佢都话到明，如果我唔还钱佢会喺现场揾人搞我，然后搞破坏，其实喺𠮶段时间，我系流失咗好多唔同嘅工作啦，甚至乎系机会嘅”。他指几个月前做骚时再遭对方威胁，更险些令音乐会开不成，于是答应出粮后立刻还钱。他无奈表示：“但系因为我唱一次歌，而家可以有几多钱吖，我收得佢𠮶几千蚊，我最后系还咗$3900畀佢，跟住之后佢一直追紧我继续还钱，所以变咗有今时今日嘅呢段新闻出现咗。”