蔡卓妍（阿Sa）今日（13日）到尖沙咀出席品牌活动。她接受访问期间，被问到昔日“朋友”张致恒（Steven）近日频繁传出欠债、甚至自爆欠债达七位数一事时，身为债主之一的阿Sa，面露无奈，首次在公开活动正面指名回应张致恒欠债一事，直言对方的现状令她感到相当“心噏”。

阿Sa坦言借钱不望归还

当谈及张致恒欠债一事，阿Sa长叹一口气：“哎，真系呢，真系激死人啊。”她直言当朋友需要帮忙时，只要帮到手便没有问题，还当然好，没还也不会“唱衰佢”，但从中可以看清一个人，“我最嬲唔系帮咗你，而系嬲其他嘢。我有啲朋友都要养妻活儿，都要好辛苦，打三、四份工。我都希望佢可以不如脚踏实地啦。”

阿Sa劝对方“摄高枕头谂清楚”

对于张致恒被爆出单期电费高达9,000多元一事，阿Sa无言以对：“我真系唔知啊！我唔知点样可以用到啲电费咁。（记者：系咪觉得佢死性不改，冇得救？）条路系自己行出嚟，我作为佢前朋友，我都希望佢会好嘅。我谂大家都会希望佢系好嘅，希望啲小朋友有啲好啲嘅生活，希望佢太太亦都可以好啲嘅生活，开开心心、幸幸福福。咁要点样做呢？我谂佢要摄高枕头谂清楚。”

以“前朋友”称呼对方　直言：大家冇欠咗你

追问张致恒至今是否仍未还钱、当初到底借出多少金额时，阿Sa未有透露具体数字，仅感叹道：“其实我真系直头冇谂了。（记者：预咗佢唔还？）我知身边有啲朋友几个月前都仲帮紧佢，但后尾睇新闻我仲见到佢又欠交电费、又其他，我就觉得‘大家冇欠咗你㗎嘛’，啱唔啱先？我觉得佢自己真系要谂清谂楚，点样可以改变到、改善到而家嘅状况。其实我都唔想讲咁多，但有时睇到会好心痛、好心噏。”