无线新剧《超时空男臣II》今日（4/11）于电视城举行开镜拜神仪式，三大男主角萧正楠、何广沛及曹永廉悉数现身。这部广受观众喜爱的剧集相隔9年再度开拍第二辑，三人在现场默契依旧，接受《香港01》访问时大爆重聚拍摄的搞笑点滴与身份变化！

开镜笑言“大家都仲健在” 穿回9年前同一套古装

对于相隔9年再次以古装造型“合体”，三人一见面就大斗嘴。曹永廉强调笑言最开心是“大家都仲健在喺TVB”，何广沛搞笑补充：“可能大家刚签咗新10年约，所以先可以拍到呢套剧！”萧正楠透露，早前为节目巡礼进行拍摄宣传穿上这套古装时，已经收到不少朋友的热烈反应：“大家一见到我哋呢个造型就话好期待，估唔到10年后呢个角色依然留喺大家心目中，所以今次要加多啲古代人嚟到现代嘅好笑位！”

令人惊喜的是，三人今次穿上的古装竟然与9年前第一辑完全一样！曹永廉大赞公司服装仓保养得宜：“件衫真系同以前同一套，公司keep得好好，着上身仲好合身！”而萧正楠望向曹永廉笑说：“望住你发觉现代嘅医美系进步咗，例如见唔到啲针窿。”萧正楠续说：“阿广就做人夫啦，我就做咗爸爸啦。”曹永廉接著说：“我啲仔女都长大晒。”

萧正楠贴须造型 FaceTime惊变“叔叔”

今次拍摄萧正楠需要再次贴上招牌胡须造型，他坦言长时间贴须相当辛苦：“食嘢、讲嘢都要避开，把声仲会沉咗，因为遮住咗个嘴。而且贴胶水十几小时，卸妆后皮肤都会发白。”

最令他既心痛又搞笑的是，早前他贴着胡须同仔仔打视像电话（FaceTime），仔仔竟然一时间认唔出他：“佢开头叫我‘叔叔’啊！爸爸都唔叫，嗌叔叔，真系有啲伤心！不过呢个造型嘅signature好深，辛苦少少都值得。”