前港姐冠军冯盈盈近年积极增值，修毕香港大学食品市场营销及管理学硕士课程并获颁硕士学位，并以一级荣誉优等（Distinction）的高成绩毕业后，演艺重心明显有所调整。她今日（13/11）出席公开活动并接受《香港01》访问时状态大勇，大谈近年转战司仪界的感受与收获。适逢无线日前在《TVB迈向60年节目巡礼2027》正式宣布《新闻女王3》将于明年开拍，被问及会否争取参演一角时，冯盈盈直言一切随缘，更幽默笑指若人人都主动“𢱑捞”，恐怕会迫爆监制房。

转战司仪界非刻意铺路　感恩获客户认可兼感满足

近年冯盈盈减少拍剧产量，频频以大方得体的形象现身各大活动担任司仪，外界更指她吸金力大增。受访时被问到是否正式将事业重心转移至司仪界，她坦言一切源于客户赏识，并非刻意安排：“我谂即系好开心可以喺司仪界，工作呢方面有特别嘅机遇啦，其实都唔系我主动特别拣做啲咩嘅，而系好感恩有呢方面客户嘅欣赏，令到我最近都比较多一啲主持呀、司仪嘅工作机会，咁我自己都好enjoy嘅，都好开心嘅。”

谈及密密接下司仪工作是否令收入及安全感大增，冯盈盈认为精神层面的肯定比金钱更为重要：“咁我谂多咗工作呢，当然个人嘅安全感都会多啲嘅，同埋我觉得唔系净系讲紧个收入𠮶方面，亦系得到唔同客户嘅认可同埋支持呀，我都觉得好有满足感，即系都觉得对自己有自信啦，同埋信心啦，觉得可以为其他人创造价值呀嘛，咁所以我觉得呢方面精神上面畀我嘅呢一个奖励啦，同埋满足呢系最紧要啰，我都好多谢。”

撞正考试无奈缺席台庆　承诺明年“Double补数”

此外，冯盈盈在访问中透露今年因考试撞期，无奈要向无线台庆请假，无法以招牌性感“战衣”示人。她笑言一年一度的考试偏偏落在台庆正日，并感谢公司体谅：“一年前就定咗𠮶个日期，我都冇得拣呀！好彩公司喺呢方面非常之体谅，好包容我，都愿意做返一个妥善嘅安排，咁畀我请假。”她更向观众大派定心丸，承诺明年必定加倍奉还：“下年double补返数咁样，全晚换两套衫啰，好有双倍诚意，双倍付出咁样！”

回应《新闻女王3》明年开拍　拒主动到监制房敲门𢱑捞

无线重头剧《新闻女王3》日前落实将于明年开拍，灵魂人物佘诗曼亦有望回归，不少艺人都对参演抱有期待。被问到会否主动向监制“𢱑捞”争取演出机会，冯盈盈得悉是《新闻女王3》有望开拍随即表示欢迎好剧本：“我谂呢其实如果有即系合适嘅剧本同埋合适嘅角色，我都好乐意去拍、去接受嘅。”

不过被问到为何不主动出击自荐，冯盈盈大笑婉拒，更抛出一番“随缘论”：“我唔系唔想演戏呀，但系唔通个个都去主动强求咁样，监制𠮶层间房会好忙，咁有啲嘢都系人哋觉得啱嘅话就自然会揾你㗎啦，咁都冇得夹硬嚟㗎嘛！”至于拍剧与担任司仪哪一样较辛苦，她则认为两者各有挑战：“哇，做司仪都唔容易㗎，成日要准备好多前面准备嘅工夫啦，要记资料啦，拍剧就时间长啰嘛。各有各嘅难处同埋挑战位嘅，两样其实我都OK嘅，但如果大家钟意我主持司仪多啲嘅话，我梗系无任欢迎啦！”