野鸽闯浴室！港女开门：俾佢吓到X街　网民分享遇自来鸽称好兆头

家中出现“自来鸽”是否代表将有好运降临？有港女在家中打开浴室大门，被眼前一幕吓倒，她发现有只野鸽闯入浴室，与洗头水并列站在冲凉用品的架上，精灵地四处张望。港女拍下影片在网上，笑言“打开门俾佢吓到X街”。

影片引来网民留言，不少人认为“好可爱”，更分享雀鸟闯入屋的相片，“我屋企都试过，突然走廊企咗只白鸽喺度吓鬼死”，有人则指“玄学角度嚟讲系福气嚟”。

野鸽与冲凉用品并列

有不速之客飞入家中实在得人惊。港女在Threads上发片，从影片可见，有只深灰色班鸠在浴室内，企定定地与冲凉用品并列在架上，但眼睛四处张望，楼主表示“一打开门俾佢吓到X街”，指“咕姑固”是从厕所的窗飞进来的。有网民从体型估计牠是“BB”。

不少网民看到影片后议论纷纷，有人“有啲可爱”、“唔好意思阻你一阻，太气太热想冲个凉”、“埋啱位”、有人见牠站在洗头水旁边，笑言“揿佢个头”会出洗头水。

网民认为自来鸽：系福气嚟

有人指“呢只系bb嚟㗎，畀啲水佢饮，如果有米就畀啲佢食啦”、“玄学角度嚟讲系福气嚟”、“我屋企都试过，突然走廊企咗只白鸽喺度吓鬼死，明明啲窗开好细唔知佢点入嚟，仲要送pat屎俾我”。

自来鸽结局系咁

有网民开楼主“最后点处理佢？”，楼主贴出烧乳鸽的相片，更笑言“吃掉了”，之后再回应“用咗扫把系咁易推下推下推返佢出去…完全冇掂到佢，亦都冇食到”。