母子酒楼饮茶被迫搬位“成张台秤走”　港男嬲爆：叫让台畀熟客坐

尽孝心与妈妈饮茶却遇上不愉快事件！有港男于网上发文大呻，与妈妈在梨木树1间酒楼饮茶时，突然被职员强迫搬位，让位予熟客，他们还没反应过来之际，就有数名职员过来“成张台秤起咗，搬走咗去第二个位置”。他对此非常不满，负责人提出免单，但他拒绝接受及要求网民就事件评理。

母子酒楼饮茶突被迫搬位：成张台秤走

该港男于facebook群组“香港酒楼关注组”发文表示，日前与妈妈在梨木树1间酒楼饮茶，下单后来了两款点心，“突然间有酒楼职员强迫我哋搬第二个位置，当时我们O晒嘴仲未有反应过来，有几个阿姐过嚟成张台秤起咗，搬走咗去第二个位置”。

港男不满指，“竟然要我哋让张台畀佢哋熟客坐，我个心情非常不满意及不能接受”。酒楼负责人其后提出免单，“唔使我哋找数请我哋食”，但他与妈妈极力反对，“回应不需要及支付已进餐嘅食物，以表示不满”，最终他支付了72.5元。

港男质疑：让台畀熟客　求网民评理

港男要求网民评理，“今时今日咁嘅对待，不理顾客感受及差劲服务态度，仲可以接受吗？”。

不少网民批评酒楼做法，“不知所谓，不帮衬”、“可恶简直不可理喻”、“岂有此理！”、“不可接受，经理要炒鱿鱼”、“呢啲咁嘅酒楼等佢执笠啦！”、“睇完苦主的遭遇，无言，但无谓生气，咁服务态度睇佢做得几耐”。

网民斥：不知所谓，不帮衬

有网民建议，“反佢台啦，你咁都可以忍受不公平及不尊重对待，相信你谂番起都chock住条气”、“坐喺度唔好郁，睇下佢哋够唔够胆擡埋你走”、“如果我系你，就照坐喺度，如果佢敢连我都搬埋，立刻报警，睇吓佢有几把炮”、“走啦，当啲客唔系人？冇钱畀？”、“以后不去，何必劳气，如有礼，转换细台可接受，大台是要搭台的”、“呢间嘢长期独市生意，唔自在，落荃湾饮啦”。

有网民点出搬位原因，“而家酒楼的山头文化”、“问题主要原因，你系稀客，人哋系长期顾客，所以就系咁样”、“都系啲老嘢，为咗方便自己饮茶，经常讨好啲侍应经理又利是又买券，所以佢咪唔想做呢啲经常冇去帮衬𠮶啲人生意啰”。

港男：帮衬咗好耐，新伙计处事难接受

港男回复网民留言时补充说，“佢真系将整张圆台搬咗过去1张四方嘅麻雀台（我妈老人家根本都唔够高坐），之后我哋拍台走人！（我影𠮶幅相就系原本坐嘅位置有12位新顾客坐咗啦）”。

港男又指出，这间酒楼是他妈妈住所楼下的酒楼，“都常有帮衬咗好耐，我哋都系老街坊都未试过咁样嚟招呼，佢有几个新伙计做人处事唔能够接受！”。