上水茶餐厅要两包茄酱收3元！　食客嬲爆：唔再帮衬　惹网民热议

去餐厅吃饭索取酱料要收钱，大家能否接受？有食客于网上发文公审上水1间连锁茶餐厅，他点了份无糖麦皮配免牛油蛋治，因个人口味喜欢加茄酱在蛋治上，故要求给两包茄酱，怎料侍应告知须加3元。他不满指，以往间中去吃早餐，叫同款食物，要求给茄酱也未有收费，餐牌亦没列明，他不接受收费，直言“为咗3蚊唔再帮衬你”。

帖文引来热议，有网民批评茶餐厅，“啲酱值几多钱？啲酱要几多钱成本？打开门做生意，酱汁好重皮费？客人食你一个餐，你赚嘅钱盖唔返啲酱汁成本？香港人做生意就系咁短视，所以唔好怪人北上消费，香港真系连基本服务都无做好”。也有网民认为楼主是西客，“我觉得如果你叫薯条问佢攞茄汁要收钱，系唔合理。但系叫蛋治问佢攞茄汁又真系好奇怪，唔俾我系接受嘅”。

该食客于Facebook群组“香港茶餐厅及美食关注组”发文指出，他间中都会在上水1间连锁茶餐厅吃早餐，每次也是点同1款餐，无糖麦皮配免牛油蛋治，饮热咖啡，共计38元。而他因个人口味，会加茄酱在蛋治上，故日前再去吃早餐，下单时按一贯做法，要求侍应给两包茄酱，怎料侍应说“你个餐冇茄酱跟㗎㖞”。

茶餐厅索取两包茄酱要加3元

楼主十分愕然，反问什么套餐会附上茄酱，侍应未有回答，就离开与同事说话，接着回来说“要茄酱要加3蚊”，楼主再度感诧异，因以往都未有这样收费，他问麦皮及咖啡加糖是否需要收费，侍应未有回答。楼主表示，查看餐牌未见有列明什么套餐会附上茄酱或需要另外付费，墙身亦无告示标明。

楼主怒道：为咗3蚊唔再帮衬你

楼主指出，随后有另1名侍应走过来问是否需要协助，他要求给两包茄酱，侍应放下两包后表示“系呀，我哋啲餐唔包茄酱㗎，今次我就畀你啦，下次冇㗎啦”。楼主直言，“佢呢个答案我真系笑咗出嚟”，并反问“我之前嚟食都有拎过茄酱，我咪争你哋啲茄酱钱，咁不如计返啦，唔好欠，好似食嘢唔畀钱咁”，但侍应未有理会。

楼主表示，吃完后去收银处付款，他询问“呢度食嘢仲有咩调味品系要加钱㗎？”，收银职员重复说“系呀，我哋啲餐唔包茄酱”，楼主超无奈，“听咗好多次，真系想晕低”，收银职员续说“一般熟客都唔计佢钱嘅”。楼主不满道，“都知依家香港经济差啦，你哋乜都话计成本我明，但我消费要畀3蚊茄酱费都好贵呀，我唯有下次帮衬间唔收我茄酱钱嘅食店食啦”。

网民热议：唔好怪人北上消费VS西客

帖文引来热议，有网民批评茶餐厅庹缩，“香港茶餐厅几时开始调味料要逐样收费？咁以后会唔会要加豉油、加盐、加糖都唔包，要收费呀？番茄酱一系有，一系无，点可以讲话唔包”、“要收费嘅唔该喺餐牌度列明”、“所以返大陆食系有原因”。

也有网民认为楼主是西客，“西客到呢，仲觉得自己好啱个下先好嘢”、“其实人哋经营餐厅，每个餐出啲乜嘢，要用几多食材，系计晒成本”、“我下次要齐果酱、炼奶、花生酱，佢都冇写要畀钱，个人口味，如果姐姐照畀，老板真心多得佢唔少”、“虽然无写明收$3包茄汁系过份啲，但都好佩服佢食个3x蚊早餐写篇咁长”。