塔巴│8号风球下　公司改迟全员工上班时间工时不变　打工仔斥有病

【最新台风消息／天气消息／天文台／台风路径预测／路径／打风／塔巴／西登／热带气旋】台风塔巴袭港，天文台宣布将于今天（8日）下午1时10分改发3号风球。有打工仔于网上发文批评其公司的上班制度，指出今天原定的上班时间是早上8时至下午5时半，惟公司昨日（7日）得悉天文台至少会挂8号风球至翌早11时后，立即更改所有员工的上班时间，变成下午1时至晚上10时半，他不满直斥“CXS公司”、“都有X病”。

该打工仔9月7日于Threads发文表示：“CXS公司，听日本身番0800-1730，天文台出咗8号最少挂到听朝1100，即刻改所有人更变晒番1300-2230，都有X病。”

8号风球下　公司改迟上班时间工时不变

帖文引来网民热议，不少人斥责楼主公司，“有得咁㗎咩”、“咩公司，咁癫”、“边间公司咁X街，出佢名啦”、“如果打风0800-2030咁系咪开2230，公就你赢，字就我输”、“多数系啲使人使到尽嘅onX公司，系我即走”、“如果系我，我会同佢讲，返1300ok，但都系1730走，因为一早plan咗有嘢做改唔到，咁迟改佢老奉个个夜晚本身冇嘢做咩”。

网民斥：使人使到尽

有网民就指出，应先查看雇佣合约条款，雇主是否有权临时更改上班时间，“合约就系呢个时候发动佢嘅功效”。另有网民表示，“临时改工作时间（要看有没有足够的休息时间），符合资格员工同意就可以改”、“正常唔得，除非自愿”、“无问题，如果系轮更嘅公司”。