孙女扭计要玩手机 师奶背后议论指点致婆婆落泪 港妈助反击获赞
家家有本难念的经。有港妈于网上发文表示，日前乘搭巴士时遇到1名婆婆带着1对孙子孙女，孙女哭着上车，闹别扭讨要手机玩耍，坐在后方的3名师奶说闲言闲语，批评是因婆婆平日“畀惯咗电话”。港妈看不过眼回呛，婆婆突然间抹眼泪，港妈安慰期间，婆婆小声道出的经历令人心酸。
有网民留言感谢港妈伸出援手，“多谢你！你喺婆婆黑暗的时间入面为佢带来温暖”，亦有不少人批评多管闲事的人，“有班人永远觉得自己育儿最叻最劲系专家，你自己认为就好，唔使周围教人或畀说话人哋听，多X谢”、“最憎啲人大大声喺隔篱讲自己育儿见解去指点人，百样米养百样人，每个小朋友都唔同，有啲人永远攞自己把尺去度人，然后讲到自己𠮶套几咁好，真心觉得烦”。
该港妈于Threads发文分享令她气愤事件，指出日前与女儿参观完幼稚园后，乘搭巴士往香港仔期间，遇到1名婆婆带着1对孙子孙女，孙女哭着上车，闹别扭讨要手机玩耍，“婆婆同孙女嘅言谈间已经feel到婆婆好攰”，此时坐在后方的3名师奶说闲言闲语，“系咁话畀惯咗电话佢，平日无畀就唔会虾你要，我个孙都唔会”。
孙女扭计要手机 师奶背后议论指点
港妈看不过眼，忍不住大声指摘“人哋点凑小朋友关你哋咩事，每个人都有自己方法凑小朋友，你哋最叻啦，最叻系你哋啦”。
婆婆落泪道心酸事
然后婆婆突然间抹眼泪，港妈担心是否太累或被3名师奶批评有压力，故安慰婆婆和妹妹“慢慢嚟，无问题㗎”。之后婆婆小声向她透露，“原来孙仔佢哋嘅爸爸㖊日离开咗，所以先咁伤心”。
港妈随即将手上的小球送给妹妹玩耍，再聊天让对方放松心情，形容“妹妹好健谈”，婆婆甚至邀请同行一起吃寿司，下车后妹妹很开心地对着她笑了3次，不断说再见。
港妈：唔好随便议论人
港妈最后指出，“你哋唔知人哋发生咗咩事嘅人就唔好去议论人，指指点点人哋点凑小朋友，又或者𠮶位家长由6点开始照顾小朋友到晏昼11点，畀部电话佢想休息15分钟呢，反正你哋凑好自己个小朋友就好了，唔需要理埋人哋个小朋友！”。
网民：太多人用自己把尺批评别人
有网民留言感谢港妈，“走咗至亲已经好伤心，仲要照顾孙仔孙女，𠮶种压力无人可以倾诉之余，仲听埋啲闲言闲语，好彩有楼主帮手，多谢你”、“好感动，你好有爱，你小朋友一定好幸运，因为有个咁有爱嘅妈妈，祝福你同婆婆一家都平安健康”。
有网民指出，若不知当事人情况，就不应随便评论他人，“‘未经他人苦，莫劝他人善’，无论系大人定小朋友，社会上太多人钟意用自己把尺去批评别人，即使完全唔认识对方”、“我好憎出面街唔识嘅三姑六婆喺到懒叻咁教人教仔女”。
有网民分享经历表示，“唔止大人凑小朋友，我同老公两个人食饭各自玩电话，都俾隔篱台对情侣自我感觉良好，单打我哋食饭唔会同对方倾偈，唔似佢哋咁sweet。都黐X线嘅，咪就系因为唔想俾你哋偷听到，所以咪唔倾偈住啰”。