港铁阿婆挥拐杖逼后生女让座：唔让长者！机智女乘客1句KO获激赞
【港铁／让座争议】港铁座位有限，就算长者都不应使用暴力逼人让座。有港女于社交平台发布影片，指乘搭港铁时有1名阿婆挥动拐杖呼喝要求乘客让座，由于态度恶劣没人让座，阿婆竟强行坐下逼走其旁边小朋友，还不断用拐杖笃她及“批肘”推撞她。港女本想忍让，惟阿婆变本加厉，她忍无可忍与对方理论，讵料阿婆反而理直气壮地指摘“你咁后生都唔让个位畀老人家坐”。最终有男女乘客看不过眼，帮忙楼主“围攻”阿婆，机智1句令阿婆急步离开车厢，结束一场闹剧。港女对于有人发声助阵表示感恩，“好感激遇到正义嘅你哋”。
事件引来网民热议，纷纷批评阿婆逼让座的行为离谱，“后生就唔会攰嘅？”、“最X憎呢啲恃老卖老”。亦有不少网民赞楼主勇敢，也赞扬帮忙的乘客，“好勇敢！对呢啲人唔善良得！”。
“其实让座系可以，但唔系必然”。该港女于9月14日在社交平台发布影片，指当日一早起床补习后感到疲累，乘搭港铁时坐在座位上，惟有1名阿婆上车就挥动拐仗及呼喝乘客让座，“佢咁嘅态度当然冇人理佢啦”，没想到阿婆竟“发难”，“冇预警咁成个人坐落嚟我同隔篱个小朋友度，个工人姐姐即刻抱返起小朋友一齐坐”。
阿婆挥拐杖呼喝让座被拒 强行坐下逼走乘客
楼主续说，阿婆坐下后相当“霸道”，“系咁撞埋嚟，又揾佢支拐杖笃我批肘我，坐低之后再擘大佢对脚不停撞，硬系要一个人霸几个位咁”。她表示，起初因为阿婆是老人家，打算忍让，最后忍无可忍开声与对方理论，并拍下过程，“佢仲要郁手郁脚咁笃到我块面，𠮶阵其实我都好惊，我成个人震晒，因为我唔知佢会唔会郁手打我”。
多次推撞 阿婆：你咁后生都唔让个位畀老人家坐！
影片长1分18秒，见到阿婆正大动作指骂楼主，并明显碰撞到手机镜头，“我开车唔企得啊！我叫你让个位畀我坐啊！”。楼主反驳“你大晒？”，阿婆回应“唔系大晒啊！我企唔稳啊！”。楼主表示“咁你讲唔该啊嘛！”，阿婆声称“我有啊，我话唔该让个位畀我坐啊，咁啊”，惟楼主反驳“你系咁样用支拐杖整我嘅！”。不过阿婆继续否认，“我几时有整到你？我拐杖喺呢度（右手边，与楼主反方向）”。楼主直斥阿婆“你头先喺我前面喺度撞我只脚啊！”，阿婆却再否认，“我无整到你啊！我叫你让畀我啊！”。
画面见到，2人理论期间，阿婆多次碰撞到楼主的手，楼主怒问“你而家咁样推我系想点啊？”，阿婆回应“我话你让个位畀我坐啊，唔该你”，又斥责“你咁后生都唔让个位畀老人家坐！”，楼主反问“天理嚟㗎呢啲？”。
乘客挺身围攻阿婆：老人家唔系大晒
这时有男乘客看不过眼，反呛阿婆“老人家唔系大晒㗎”，阿婆重申“我开车唔得，企唔到啊”，另1女乘客随即“加入”围攻阿婆，“咁可唔可以有啲礼貌啊！”。阿婆回应“我咪唔该佢啰！”，女乘客怒指“咁你都坐咗啦，唔使系咁推人哋系咪啊！”，阿婆否认称“我几时有推佢啊”，但女乘客机智反驳“我啱啱望住你推佢3次㖞，望住你喇！无礼貌就无礼貌啦！”。
女乘客1句 阿婆即急步离开
女乘客说完后，阿婆即站起身拉着手推车走向门口，埋怨“人哋只有让畀老人家坐㗎啫！”，女乘客怒指“唔让畀你就因为你无礼貌啰！”，男乘客则说“阿婆，唔好恃老卖老啦！”。阿婆抛下一句“最叻系讲呢句㗎喇”，然后便急步离开车厢。
港女感谢帮忙：唔好攞你老人家身份嚟横蛮无理
楼主于帖文感谢帮忙的人，“好在有在场人士一早已经睇到呢个婆婆对人嘅唔礼貌行为，肯帮我发声，好感激遇到正义嘅你哋”。她强调，平日自己会主动让座予有需要的人，但不应横蛮无理，“其实让座系可以，但唔系必然，‘攰’系冇分年龄层，唔好攞你老人家身份嚟横蛮无理，咁大个人连基本礼貌都唔识，仲要郁手郁脚，仲好意思要人让多个位畀你，你要霸几多个位先够？”。
网民赞港女勇敢 批阿婆离谱：最憎恃老卖老
网民看过影片议论纷纷，大部份人都批评阿婆离谱，“后生就唔会攰嘅？有时返工企成十几个钟，收工重要争位”、“最X憎呢啲恃老卖老”、“好恶咁要人让座，其实系呼喝、命令、要挟，文明社会所不容，我们齐心说不”。
也有不少网民赞楼主勇敢，以及赞扬帮忙的乘客，“好勇敢！对呢啲人唔善良得！”、“欣赏你”、“好彩有人帮口”、“你做得好好啊！真系唔系大X晒，老人家真系有需要让座，可以好声好气，唔应该郁手郁脚”。