上车争执！九巴车长与女乘客爆粗对骂　乘客忧炒车：条命仔冻过水

行车期间勿骚扰车长！有巴士乘客于网上发文分享乘搭九巴时，遇上车长与女乘客爆粗对骂事件。有女乘客不满车长一度不开门让她上车，车长指出因当时车厢已挤满了乘客，亦有广播要求乘客走进车厢中间，他担心安全问题，若乘客站近车门会被夹到，女乘客不满车长解释，两人不断对骂。楼主担忧车长行车期间情绪激动与女乘客对骂，会不慎引致交通意外，无奈道“个司机EQ真系太低”，幸好最终车长也愿意停车，联络公司安排另1辆巴士接载乘客继续行程。

该巴士乘客于Threads发文表示，“而家啲巴士九巴KMB司机EQ咁低嘅，唔系话偏帮西客，但你哋互X粗口可唔可以停车call咗上台先再X呢？大佬而家你哋行行下喺架车到嘈，作为乘客系超级无奈，同埋真心觉得我条命仔冻过水”。

九巴车长与女乘客爆粗对骂

该巴士乘客上载两段影片，见到他当时坐在巴士上层，行车期间不断听到下层有女乘客与车长对骂。女乘客不满指“边个司机唔开门畀人上呀！”，车长反驳“个司机见到有人梗系唔开门啦，呢度企满晒人啦！阿姐”，女乘客扬言要投诉，车长不怕指“投诉呀，你投诉呀！”。

女乘客：唔教导啲人企后啲　车长：已广播

女乘客续骂车长“后边冇人企，你唔教导啲人企后啲”，车长指出“我个报站报X晒啦，请行入车厢㗎，教，我而家咪教你啰”，女乘客说“我教你”，车长表示“你教我呀嘛，好呀，你教我呀，你咁X叻，讲嘢啦”，又骂女乘客“收X啦，啱啱咁X多人上车呀，我唔开门上车？咁佢哋点上车呀？冇脑㗎？”、“个个都有脑，系得你冇脑”。

女乘客以说教口吻指，“你下次你唔可以咁样做”，车长反斥“咩下次唔可以咁样做呀，喂我而家架车上唔晒咁点样呀？我开门佢哋夹X死呀，啱啱争啲闩唔X到门呀”，随后情绪愈来愈激动，“我使X你教咩，你条白痴仔”。女乘客不甘示弱，同样人身攻击骂车长，“餐餐都系咁呀，你精神病你就唔好揸车”，车长反骂“精神病就唔好搭车！”。

车长：车厢已满，更多乘客再上危险

第二段影片听到车长说“个个司机都唔睬你，系因为费事呀，我教X精你呀，阿婆”，女乘客说“我系阿婆呀，你好叻，你系阿伯呀你”，车长反击“我阿伯？我做到你个孙呀，你睇下，要个孙教阿婆呀，你知唔知丑呀”。

两人继续就上车问题争执，车长重申理据，“咩我唔系日日咁呀？架车上满晒呀，点X样上呀？危唔危险呀？”，又指“你收X啦，就系因为你自己上唔到啫，你今日先可以喺度讲嘢呀”。

车长：夹X死咁点X样呀，又入我数呀？

女乘客说，“所以特登搭你架车，你最安全”，车长指“你收X啦，最安全，我唔系X要呢啲头衔呀，我系想你安全到目的地呀，你而家上嚟想我闩门，夹X死咁点X样呀，又入我数呀？”，女乘客称没站在靠近车门位置，车长指“你而家拗唔到呀，喺度死鸡撑饭盖呀，跌咗落地揦返拃沙呀，你臭X，我阿妈唔X臭呀，你而家最X臭呀”。

楼主：劲惊司机爆爆下粗炒车

有网民留言指出，“点解冇人闹个西客骚扰司机”、“深水埗系超级X老集中地”、“真系要停低架车至好继续嗌落去，免得成车人一齐上西天”。

楼主回复网民留言解释，是有群中学生上车后不肯走进车厢中间，“恃住自己短途站，劲自私咁样塞晒喺门口，搞到后面中途站啲人完全上唔到车，其实架车一上到消防局之后差唔多劲空，阿姐应该赶住返工就摄咗上去俾司机X，所以其实啲中学生、阿姐同司机都有错，但衰咗就系个司机EQ真系太低，就算个客滋扰你你咪停低架车call台啰，唔使下下讲晒粗口嘅”。

楼主指出，“系个司机X个西客先，一路揸一路继续X，其实我哋唔介意佢X个客，但系可唔可以唔好一路揸一路X，同埋本身个司机系上呢个客之前都有少少玩嘢㗎啦”，并说“真心我真系劲惊个司机爆爆下粗炒埋架车，所以真心希望KMB可以处理下呢件事”，又交代后续，“好彩个司机最后都肯停车call台畀我哋上去下架，唔系嘅话我都真系有啲惊，我都会下站落”。