做人不可单看表面！有雇主于网上发文分享家中印佣原来是富家女，指出20多岁印佣突然要求提早完约回印尼结婚，她一家担心印佣网恋被骗，但听毕男方如何对待印佣后，她大感惊讶，立即“转軚”大力支持，“立刻原地结婚啦，好男人嚟”。雇主惊叹道，“原来佢只是来体验人生，唔好话楼，人哋已经有农场、咖啡豆园同可可豆田等”。

帖文引来热议，网民纷纷大呼“佢有钱过你仲要嚟同做你工人，大癫”、“原来姐姐系嚟working holiday”、“嚟做工人体验人生，果然系有钱女嘅玩意”，有网民指出“好多都系㗎，𠮶边有大屋有地，只不过𠮶边做老师啊其他工种人工偏低3,000（元）左右，所以先想去香港”。

该雇主于Threads发文表示，她聘请的印佣已在其家中工作了数年，日前突然要求提早完约回印尼结婚，印佣之前曾分享过男方照片，“好靓仔又着机师衫”。她指出，“我姐姐系天真爱笑嘅2X岁女仔，但做嘢似大小姐，我哋好担心佢网恋俾人呃”。

印佣突辞职回乡结婚　雇主惊揭是富家女

雇主续说，“点知，佢话个男仔大过佢，由学生期间每个月已经畀3,000蚊佢，如果佢返印尼生仔会加码到6,000蚊”。雇主非常震惊，直言“我听完之后即刻叫佢立刻原地结婚啦，好男人嚟”，又惊叹道“原来佢只是来体验人生，唔好话楼，人哋已经有农场、咖啡豆园同可可豆田等”。

网民：好多姐姐系大学生

有网民留言指出，不应看轻外佣，“其实好多姐姐系大学生嚟，尤其系菲律宾，佢哋好有目标，一啲都唔蠢，仲好醒，识计定晒数，喺香港人工系得咁多，所以有部份会做秘捞，默默储钱，一系就寄钱返家，畀屋企人起屋，一系储钱移民，一系就揾到笋盘外国佬，嫁过去做少奶奶。有啲仲会继续进修，甚至返家国创业，真系好坚㗎”。

甚至不少网民分享自家外佣都是有钱人，“之前个姐姐有屋有地有车乜都有，而佢仲喺香港返工嘅原因系佢觉得呢个系神畀佢嘅任务，要佢照顾有需要嘅人！佢真系成个天使咁好人”、“我以前有个印尼姐姐都系，听讲佢系军官个女，因为早恋，爸爸唔开心，迫佢出嚟体验人生”。

网民分享自家外佣是有钱人

有网民表示，“我以前个工人姐姐都系有钱女嚟，平时买𩠌都话唔使claim钱cxs，真系多谢佢冇嫌我哋穷。佢有同我哋讲，每个月屋企都会寄钱畀佢”，又说“接我放学带我食M记都唔claim，kinda（有点儿）当我哋屋企系Airbnb，不过做嘢煮嘢都好一流，好好彩依家仲有联络”、“贫穷限制咗我哋嘅想像”。

亦有网民指出，“有时真系唔好睇少啲姐姐，我曾经请过1个姐姐，第一日到埗系拎住部iPad mini，当年刚出1年左右，之后英文劲好，IELTS有7分以上，尽心尽力照顾我哋屋企同教仔4年，原来佢一早已经当香港系跳板，会去加拿大做嘢，我哋最后都好唔舍得佢，但都放佢走。6年后嘅今日，佢喺加拿大置业，有一份餐厅经理嘅工作，我都好戥佢开心”。