搭乘交通工具若携带大型行李，应顾己及人，更遑论影响残疾人士！有港女日前携带坐轮椅的母亲乘坐巴士，但上车后遇到轮椅位被人摆放行李箱，她和车长分别2次请行李所属乘客前来认领移开，但未有人理会。该乘客待要下车时才“施施然”从座位行出来，楼主不忿质问对方：“点解可以咁厚面皮？”对方正想反过来指责她们母女，楼主便斥责对方阻碍其他人下车。

有网民批评该携行李箱乘客自私，“呢架又唔系机场巴士，要放行李咁巴闭（搭）的士啦”、“有轮椅喺度，前面唔应该有其他嘢，一急停车𠮶啲物品撞落个轮椅人士度，咁就唔好啦”；但有人觉得楼主要求过多，“多出来的空间也应该共用，唔系话唔体谅坐轮椅的情况，而系您追求一个过多空间，唔俾其他人共用”、“放到轮椅其实无咩好讲，要舒服伸脚就call的士”。

行李箱放巴士轮椅位　司机提醒乘客拒认领移开

该女生在threads帐号“sol_itude24”发帖，指陪坐轮椅母亲搭乘巴士时，遇到有乘客将行李箱放置在理应用作摆放轮椅位置，指对方其实坐于下层座位，而她和司机分别2次请该乘客移开行李，但批评对方未有理会。从事主上传照片所见，有1个绿色的行李箱横放在地，而轮椅只是刚好有足够空间入位，若然要下车恐怕会受阻。

楼主指，刚好她和涉事乘客都在同一个站下车，形容“我哋望住佢，因为个喼顶住”，并质问对方“点解可以咁厚面皮？”对方声称不知情，正想反过来指责她们母女之时，楼主便先发制人，喝斥其阻碍他人下车。

事主理解“坐轮椅唔系大晒”　认为轮椅位应先让予残疾人士

楼主补充，由于她母亲不能久行，而长时间坐下亦会脚肿，需要“伸脚”松展。她明白“坐轮椅唔系大晒”，其他乘客亦有权使用该位置，但批评涉事乘客明知有轮椅人士上车都不愿拿开行李箱，不满斥“到底谂咩？”

帖文引来两极讨论，有部份人批评楼主，“你会唔会叫企喺座位前面嘅人行开俾你伸吓只脚”、“伸乜X嘢脚，咁巴闭坐的士啦，仲公审人”、“放到轮椅其实无咩好讲，要舒服伸脚就call的士，地铁大把人都唔舒服，唔通赶走啲人”、“轮椅位应该俾轮椅优先用，而多出来的空间也应该共用，唔系话唔体谅坐轮椅的情况，而系您追求一个过多空间，唔俾其他人共用”。

有足够空间入轮椅VS自私行为　惹网民激辩

但更多留言斥涉事乘客自私，“呢架又唔系机场巴士，要放行李咁巴闭（搭）的士啦”、“有轮椅喺度，前面唔应该有其他嘢，一急停车𠮶啲物品撞落轮椅人士度，咁就唔好啦”、“大叫系咪失物”、“应该系有人漏咗，建议直接摆开佢，等司机埋总站再上报#曲”、“轮椅位紧系轮椅大晒，无人应机就推走个喼”，甚至提议可直接将脚晾放上行李箱，而楼主则担心“等阵话我偷野咁点？”又认为“我始终觉得我可以贱嘴，但行为唔可以受呢啲人影响”。

巴士司机分享方法　对付自私乘客

有巴士司机则以各种方法应对自私客人，“琴日个南亚司机直接将轮椅位2个箧掉咗喺行李架最上层，个港女落楼下见到喺到X边个放最高佢点拎，司机X佢2个箧阻住轮椅人士上车，问又问过2个箧有无人，又无人理咪掉上去啰”、“以前如果遇到呢啲情况，我系直接熄车（匙），一熄车就自然有人认头，唔使我出手”、“试过闹爆啲呀婶死要塞架买𩠌车落去！真心好想唔畀佢哋上车”。

（threads@sol_itude24）