钢琴高手在民间？网上疯传影片，网民拍到北区医院大堂有1名银发婆婆弹钢琴，更有在医院等候的市民随音乐唱“阿姐”汪明荃金曲《万水千山总是情》，气氛“好和谐 ”。婆婆“宝刀未老”获网民大赞，“最劲嘅系佢呢个年纪，完全唔使睇谱”，有街坊透露婆婆已年逾九旬，经常下午去弹一会琴，“婆婆后生𠮶时好似系钢琴老师”。有网民又指其他地区医院都有长者弹琴，“真系会抒解到少少探病嘅人嘅沉重情绪”。

北区医院婆婆弹《万水千山总是情》

有港男日表示日前到医院上厕所，经过医院堂时见有婆婆正弹琴。影片所见，1名银白发戴口罩的婆婆，在北区医院入口大堂弹钢琴，正弹当年由“汪阿姐”汪明荃演唱的《万水千山总是情》，旁边放著相信是她的拐杖，一些在医院等候的市民围观听音乐。港男指“侧边仲有人一齐陪婆婆唱万水千山总是情， 好和谐 ”。

网民赞“叻女”：最劲系佢呢个年纪完全唔使睇谱

网民大赞婆婆“宝刀未老”，“婆婆好可爱，好叻女”、“婆婆以前弹琴一定好劲”、“OMG呢位婆婆以前一定系书香世家嘅大小姐”、“最劲嘅系佢呢个年纪，完全唔使睇谱，啲曲谱刻咗入个脑到咁……好厉害”、“婆婆大脑、小手肌同脚都好灵活，要身体健康”。

街坊指婆婆出没多年

不少街坊又指婆婆经常到北区医院弹琴，“呢个婆婆喺北区医院弹琴好多年啦！每次听到佢嘅琴声都会会心微笑，希望佢身体健康生活安好”、“两年前我阿公走𠴱日佢都系度”、“有时喺北区医院覆诊，如果有人喺度弹琴都会停低听”、“呢个婆婆好叻㗎，我次次入医院、我老豆入院，都会撞到佢弹”、“北区医院，差不多日日都弹唱，我在病人角度希望声浪教细声点”。有网民指，其他区也有长者爱到医院弹琴，“大埔娜打素都成日有伯伯弹，真系会抒解到少少探病嘅人嘅沉重情绪”。

曾透露年逾90　“后生𠮶时好似系钢琴老师”

部份网民更透露婆婆的“身世”，指她已经9旬，而且真的当过音乐老师，“呢个婆婆好chill㗎，𠮶次同佢倾计外国返嚟定居，下午嚟弹一阵，便去食饭，仲有英文名㗎”、“婆婆后生𠮶时好似系钢琴老师，上星期听到弹月亮代表我的心”、“之前我公公走去问过佢，原来婆婆以前系音乐老师，已经90几岁啦”。

（Threads“lwkkkkkkkk_”）