亲人仙游，电讯公司仍要求由“本人”终止电话合约？有女生在网上分享经历，指父亲过世后为其处理后事，本想通过电讯商的电话客服终止亡父的合约，结果客服数次强调要“机主亲身嚟”，她分别提出用死亡证代替，甚至问可否等合约到期“自动cut”，惟客服称“会自动续约”。她气得再打上热线找另一名客服，“闹爆佢先 cut 到个台”，无奈指自己仍正消化父亲离世的伤痛，没料到“仲要遇到个黐线嘅CS（客服）”。

不少网民分享经历，指到门市处理同类事件，远较打上电话找客服好，又希望事主可以“开名”，即公开相关公司名称。

父离世cut电话台　客服：终止合约要机主亲身嚟

有网民在Threads上举办“threads史上客人讲过最X癫嘅说话”比赛，有女生分享经历，其内容随即在网上疯传。女事主指爸爸过身后，原想经电讯商电话客服终止爸爸的合约，她表明“机主个囡”的身份，因机主已过身的关系想“cut台”，未料客服竟回应“终止合约要机主亲身嚟㖞”。

问可否等完约？　客服：会自动续约

事主重复表示爸爸已离世，改问可否提供死亡证作实，客服继续回复“唔得，终止合约要机主亲身嚟”。她再改问如不终止合约，是否等到完约“佢系咪会自己 cut ？”，没想到客服再答“唔会㗎，会自动续约”。女事主再重申机主已离世，“佢点可能自己 cut 到台”，问有没有其他办法？客服解释“公司规矩系咁，无其他方法”。事主无奈地再打上热线找其他客服，“闹爆佢先 cut 到个台。爸爸走咗己经唔开心啦，仲要遇到个黐线嘅CS”。

事件引起热议，网民闹爆该名客服“净系识答model answer嘅员工，无用”、“个CS黐线啫！我今日先搞完，有死亡证就可以cut，火化纸都OK ”、“你下次同佢讲：咁我叫爸爸回魂揾你整，畀你个全名我方便揾你”。

网民分享经历　质问客服“系咪要攞盅骨灰上去”

网民分享类似经历，部份人顺利处理，“我上星期帮我老豆整，去门市整，死亡证+打洞身份证，写个终止合约及豁免申请就整好”、“我几年前阿爸走咗，带齐文件直接落门市同佢讲。个哥仔好熟手，填form影印，搞完仲讲左句sorry for your lost，真系有心”。但不少人和女事主一样闹得一肚子气，“同样遇过，我问CS叫咩名，对话系咪已经录紧音。佢俾咗个名同答咗系之后，我就问佢‘系咪我要攞盅骨灰上去同佢哋去cut先至得’，佢呆咗1秒，先发现自己好似真系讲错嘢”、“同你差不多，年年帮老豆搞宽频续约都要劳气。次次CS都会话叫本人接听，我次次都要同佢讲你睇番电脑record，我老豆聋哑人士，佢授权咗俾我倾”。

网民建议到门市处理

有网民指，为过世亲人处理合约问题，到门市处理比打上客服好，“直接去门市搞，因为要门市经理去搞，CS 系做唔到”、“其实你带住先人身份证 + 死亡证去是但一间分店。直接同职员讲要cut照常理就做到，打去 CS 未必帮到你，但分店职员面对面处理文件就应该无问题（利申， 家人做分店职员） ”。

楼主未有公开电讯商名称，网民则表示“呢啲公司值得开佢”、“呢啲真系有发生过嘅唔使惊佢可以照开名佢唔会告到你入”、“可能系个别电讯公司问题， 建议你同电讯管理局投诉”。

（Threads）