麦当劳桌椅应是供顾客用餐，并非用来做其他事情。有女生于网上发文公审1名化妆师，在荃湾广场麦当劳长时间占用桌椅做生意帮客人化妆，事件引来网民热议。帖文其后引来涉事化妆师现身，指出自己并无在繁忙时间占用桌椅，称只用了2个多小时，怒斥楼主偷拍公审，“此做法非常冇家教亦都好冇品”，“我哋只系细佬（路）仔，沟通有咁难咩？”，指如不满应当面提出，虽然事件中他亦有错，但认为偷影更过份。

惟化妆师说法引来网民哗然，纷纷指摘“‘我哋只系细路仔’，be like万能免死金牌‘他只是个孩子嘛’”、“唔怪得呢个年代20几岁都仲系孩子，你一直用呢个心态要社会体谅你，真系呢一代嘅可悲”、“问题系你本身做错，你喺公众地方做不当行为，依家反咬人哋‘偷影’，只系转移视线/恼羞成怒”。

该女生于Threads发文表示，“点解可以咁样？化妆师用人哋麦当劳地方做生意，仲要已经用咗成个几钟，而家仲喺度化紧妆，隔篱个客仲等紧，租金都悭返，咁样做生意都得？呢个化妆师咩玩法？”。

化妆师占用麦当劳桌椅化妆遭公审

影片见到，有3人坐在麦当劳店外椅子上，右手边穿黑衣化妆师正在帮穿粉红色外套的女子化妆，桌面放满化妆品及放有1个假人头模型，左边则有另1名穿黑衣女子坐着玩手机。

网民：化妆品有化学成分影响用餐意欲

有网民留言批评，“啲cosplay化妆师成日都系咁，如果附近有event仲多，成间Starbucks/kfc/m记霸晒，真正消费想揾个位食嘢嘅人就冇地方坐（长期event受害者”、“食肆内化妆影响观感系礼仪问题，影片中见到有假发、卸妆水、化妆品，当中有化学品成分，如果我系其他顾客见到旁边台面有咁多非食品嘅嘢放喺台面，都会影响想购买饮品食品嘅意欲，如果你喺公园化，我相信无咩人会有意见”、“如果迟下有人喺度修脚、磨脚皮、剪脚甲、搽甲油都唔知点X算，买咗餐又吹佢唔胀”。

化妆师现身：我哋只系细路仔，沟通有咁难咩？

帖文引来涉事化妆师现身，留言表示“见到呢条片我真系觉得好笑及气愤”，她并无在麦当劳繁忙时间帮客人化妆，并只占用了2个多小时，“事后也有清洁台面，没有把任何垃圾留下让职员清洁”。

化妆师不满楼主偷拍公审，未有选择即场沟通，“趁我哋唔知偷影我哋，再po上网入（由）大众评判，此做法非常冇家教亦都好冇品”。

化妆师续说，“如果你系觉得你自己做唔到呢种生意，产生忌恨而po我上网，咁我都觉得你几可悲，尤其是系你系大人，我哋只系细佬（路）仔，沟通有咁难咩？最后我都想讲，我哋都有错，占用公共地方系唔啱，但系你偷影我哋会唔会更过份？”。

网民：唔好咁理直气壮　化妆师再留言道歉

化妆师的解释未有“灭火”，反更惹起众怒，网民纷纷指摘“仲细路仔？你望路去都牛高马大！细路仔系小学生𠮶些好细粒先叫细路仔！”、“要人开口话你先识行开，谂住无人出声就侧侧膊继续，此做法更加冇家教亦都好冇品”、“霸到lunch hour都仲够胆话系非繁忙时段”、“建议唔好咁理直气壮，只系人哋唔赶你，唔代表你可以咁做”。

楼主亦留言补充，当时有向职员反映事件，“我原先的确无谂住post，我同人食咗1个钟，走嘅时候有3个客揾唔到位，望住佢哋劲耐，化妆师一啲知觉都无，我先忍唔住摆（上网）”。

化妆师致谦称不再占用公共地方

化妆师其后再留言道歉，“我知系我哋唔啱先，同各位讲声对唔住，之后亦都会改过，唔会再占用公共地方”，并贴出照片显示自己帮客人化妆后有点餐光顾麦当劳。

（Threads@zita_kwok）