【移民英国／移民须知／回流】移民英国生活不似预期？有港妈于社交平台发文诉苦，指她一家人移民英国4个多月，感觉“英国生活比我想像中落差好大”，又列出2大惨况，悲呼“觉得自己无一日真正开心过”，犹豫是否要回流香港，“适应唔到其实系咪唔应该继续落去？”。

帖文引来网民热议，不少移英港人分享自身经历安慰楼主，“我3年半，头年半我都系劲唔开心，成日发梦都系系香港，有需要就揾人倾下偈，有负能量系正常，大家都会有呢个过渡期”、“唔系你适应唔到嘅错，畀多少少机会自己，去参加下社区活动、做义工，真系唔啱嘅再走，not your fault”、“始终人系需要时间去适应一个新环境”。楼主则回复“再次多谢各位嘅意见，我会参考各位讲嘅意见”。

“嚟咗英国4个几月，但觉得自己无一日真正开心过。”该港妈于社交平台发帖文，指移民英国4个多月，每一天都不知道自己在做什么，更时刻梦到返回香港，“每一日都唔知自己系到做紧咩，每日净系送（子女）返学放学去下超市，最近呢1个月送完返学好唔想留喺屋企1个人，周围去送下外卖揾啲嘢畀自己做下，每一日都谂几时可以返香港见到朋友，发梦都会谂起返咗香港”。

移英港妈呻2大惨况：英国生活比想像中落差大

楼主又列出2大惨况，包括“一个E人（外向型人格）嚟到呢1个朋友都无”和“放假唔知可以同小朋友去边玩”，感叹英国生活比想像中落差大，“好似每日都唔知可以做啲咩，成日话外国Work-life balance，但我完全系呢边揾唔到我嘅life，根本就balance唔到，可能有人会觉得4个月未适应到啫，但觉得就算再过4个月，只系觉得只会习惯咗呢种生活，但唔系enjoy呢种生活”。

犹豫是否回流香港：失落感好大

楼主续说，其英文水平“唔叻”，可以普通对答，却无法与本地人谈天，犹豫是否要回流香港，“适应唔到其实系咪唔应该继续落去？可能我喺香港好多真系好交心嘅朋友，我嚟到呢边一个都无嘅时候，失落感好大”。

移英港人齐安慰：大家都会有呢个过渡期

不少移民英国港人分享自身经历，安慰楼主，“我嚟咗3年半，头年半我都系劲唔开心，成日发梦都系喺香港，喺呢边又识唔到交心嘅朋友，中间返过1次香港好似叉电咁，唔系应该都抑郁。有需要就揾人倾下偈，有负能量系正常，大家都会有呢个过渡期”、“生活环境同埋食物质素英国真系好好，嚟咗5年几，你会好快习惯，因为我初初都系咁㗎”、“唔系人人都啱呢个地方，种唔同花要用唔同泥，唔系你适应唔到嘅错，畀多少少机会自己，去参加下社区活动、做义工，真系唔啱嘅再走，not your fault”、“最重要同屋企人商量，倾下情况。唔得嘅，睇下有冇解决办法。或者要返去”、“4个月真系比较短，绝对需要时间适应同感受系咪适应到同适合自己”。

楼主回复时感谢各位网民意见 “我会参考各位讲嘅意见”。她强调，“我无话英国唔适合全部人呀，我只系讲紧我适应唔到啫”，又说出帖文“只系想揾个地方当发一发泄，好似所有嘢都唔知可以同边个倾咁，收埋收埋令到自己成日屈住屈住”。