意外1次也嫌多！有女生于网上发文公审1名男狗主，指他任由饲养的小狗自行过马路，全程未有用狗绳牵着或抱住。过马路前，女生担心车多危险，已即时提醒狗主应抱小狗起较安全，但狗主说2句话反呛女生，然后依然故我，女生只能无奈道：“可以点？唯有希望狗仔一直好彩啦。”

不少网民留言批评狗主，“不负责任的主人”、“个主人懒系型咁，睇见都觉危险，佢（狗狗）咁细只，有啲车未必睇到佢”、“俾架车呠一呠，只狗就可能冲咗出去，好危险，好多意外就系咁发生”。

该女生于Threads发文表示，事发于12月20日下午近2时，地点在港铁宝琳站附近，她批评狗主“咁细只狗，唔拖绳又唔抱住，由得佢自己过马路”。

狗主不牵绳或抱起　让小狗自行过马路

女生说，她当时已直接要求狗主抱起小狗，“咁多车好危险，但自信主人表示狗仔由细个train（训练）到大，有咩嘢佢会处理，然后继续照行”，女生只能无奈道：“可以点？唯有希望狗仔一直好彩啦。”

女生无奈：唯有希望狗仔一直好彩啦

影片见到，女生尾随穿灰黑色上衣的狗主拍摄，小狗尾随狗主过马路，狗主一直回头看着小狗并不断说“go,go,go”，待小狗走上行人路后，下秒一辆私家车随即驶过。

网民：主人一直有系咁望住佢 VS 意外难料

有网民留言指出，“冇乜问题㖞，主人一直有系咁望住佢，唔系由得佢自己行，冇拖绳又唔系犯法，佢又有好好地训练，其实唔话得佢乜”。楼主回复说，“前一个马路就系见只狗自己行，然后先见到个主人喺前面，然后佢准备行第二个马路之前我去话佢，之后就如片中叫只狗gogogo，就算主人望住又点，影片最后架车常速行过，如果狗仔行慢少少或者吓一吓乱咁走，架车冲埋嚟佢系咪去挡？同小朋友过马路拖实系常识，同小狗就唔使？一切源自唔够着紧，唔够责任感”。

不少网民就批评狗主，“呢啲人好垃圾当你唱歌，以为自己好威好劲，有咩事起上嚟佢就无事，狗就无咗条命”、“最憎见到呢啲，只狗有事又喊苦喊忽”、“所谓嘅有咩嘢佢会处理，咪就系万一俾车撞去执返条尸，每次见到呢啲冇脑主人都冇眼睇”、“只能讲佢真系当佢系只动物，如果佢爱狗狗，一定会尽力保护佢爱护佢，就如同家人般看待”。

同样有养狗的网民分享，“曾经我都好有自信，我上一只狗狗好乖好听话，点知有一次佢急屎，自己冲过对面马路屙屎，真系吓死，意外一次都嫌多”。