行善积德为求心安理得！有女生于网上发文分享助人经历，她于港铁旺角站见到2名瘦削的公公婆婆慢慢地搬4袋物品下楼梯，她主动帮忙下得悉老夫妇已2天没吃饭，她内心挣扎两秒，想到宁愿受骗，都不想错过助人机会，最终用154元请了公公婆婆吃鸡脾及焗猪扒饭，老夫妇闲谈间分享因金融海啸失去一切的故事，令她慨叹“社会资源真系好短暂，度度要人帮”。

网民留言表示，“你好好人，我以前都惊俾人呃，后尾谂通咗，帮人咪当帮frd啰，呃人嘅话影响到嘅只会系佢自己，影响唔到做善事嘅自己”、“情愿俾人呃，都唔想错过1个需要帮助的人”。

该女生12月21日于Threads发文表示，于港铁旺角站见到2名瘦削的公公婆婆慢慢地搬4袋物品下楼梯，“婆婆一只眼应该睇唔到嘢”，她虽然赶时间，但仍忍不住主动上前帮忙。

旺角站遇公公婆婆吃力搬家当落楼梯

言谈间，公公说“佢哋由1间麦当劳去紧另1间麦当劳，因为无消费，所以唔可以喺同1间太多日，话两日无食饭，所以无力搬嘢”。女生指出，“但佢哋拎紧嘅都唔系咩好大袋嘅红白蓝胶袋，4个大嘅万宁胶袋就已经系佢哋全部嘅家当”。

女生用154元请公公婆婆吃饭

女生坦言，“对路边乞讨无动于衷嘅我，畀咗身上只有几10蚊现金佢哋”。公公接着问可否买饭给他们吃，听到她说赶时间，“婆婆主动话唔好阻住姐姐啦”，女生内心挣扎了两秒，“但一谂到，宁愿俾人呃𠮶少少钱，都唔想可能错过咗，佢哋真系会几日冇饭食”。

女生最终陪了公公婆婆去附近的大家乐买饭，“食鸡髀、食焗猪，帮佢哋加底加菜加汤，但其实都只系150蚊嘅事”。

女生：宁愿被呃钱都唔想错过帮人

女生又说，公公婆婆操一口纯正广东话，“讲嘢有文有路咁同我分享佢哋因为金融海啸而失去一切嘅故事，我问佢哋有冇社工帮手，佢哋话冇”。

女生慨叹，“社会资源真系好短暂，度度要人帮，个个都有valid（确凿的）嘅故事。就算系为咗自我感觉良好都好，起码我今日用自己嘅行动投咗1票”。

网民赞女生：谢谢你的善心

网民留言感谢女生，“有时真心觉得，就算俾人呃咗个一百几十，好过错过了直接帮助弱势社群的机会，尤其一些讲纯正口音的长者，谢谢你的善心”、“佢要饭唔系要钱应该都真系去到尽先求救，唉尽做啦，多谢你”、“你好好，骗子一般都系呃钱，你请佢哋食嘢佢哋都会话要钱，所以我估公公婆婆真系有需要”。

有网民说，“无社工跟？呢个时势真系唔知有几多个案”、“好多老人家都唔识揾社工帮忙，政府支援有限，见到老人家景况咁样都好唔开心”、“1只眼睇唔到可能系白内障，或者试吓提议佢哋去眼科医院排队，政府系免费帮手切白内障”。

网民认出公公婆婆常在旺角及太子出没

也有网民指出，“你人心地好好，但佢两位系出咗名喺旺角及太子出没嘅惯犯，下次见到呢啲人，可以叫佢直接去佢𠮶区家庭服务中心揾社工求助”、“我都喺旺角地铁站撞到，帮佢哋拿行李落地铁站，一模一样都系话不停换麦当劳，叫我买饭畀佢食，但要赶时间陪屋企人覆诊，身上冇散纸，唯有话唔好意思帮唔到，但如果揾社会福利署或有生果金，真系唔会出现呢个情况，有啲真系睇啲人好心，一次又一次”。

（Threads@usame_tonic）