求职时履历是否可写“薪酬可议”？有求职者于网上发文分享奇葩见工经历，面试时人事部职员（HR）见她在履历期望薪酬一栏写上“negotiable（可议）”就“发烂渣”，批评她“唔讲得实数咩？”。过了数天，该人事部职员打来通知公司打算聘请她，记仇的她以其人之道，还治其人之身，说了一番话凶回对方。

有网民留言批评人事部职员，“EQ差就唔好做HR啦”、“最憎人写negotiable唔系问题，唔高兴咪掉份CV落垃圾桶啰，咁你又叫最憎嘅人上来见呢下神奇啵”，也有网民认为求职者态度差，“你可能唔系好在乎份工，但其实值唔值得为咗个咁样嘅HR令到自己臭朵？有时值得谂清楚先至玩嘢”、“我觉你唔使咁答佢喔！你话我已揾到工啦！谢谢你！记住山水有相逢，留一线他日好相见！”。

Threads专页“办公室日报”分享读者投稿，该求职者表示，面试时人事部职员（HR）见她在履历期望薪酬一栏写上“negotiable（可议）”就“发烂渣”，“呢度你点解填negotiable呀？唔讲得实数咩？你唔使理我公司出得起几多㗎！你要2万就2万！3万就3万！你填你要几多咪得啰！最憎啲求职者填negotiable，想睇住嚟食呀？”。

见CV写“薪酬可议”　HR即发烂渣

该求职者指出，当时已是面试尾声，人事部职员突然“返转头问expected salary，然后歇斯底里爆发，真系有吓亲我！”，她最后随意说了期望薪酬就结束面试。

求职者获聘请竟用同招回击：我好记仇

过了数天，她收到该人事部职员电话，“佢好似完全忘记咗当日凶我”，以正常语气问道：“Hello，我哋公司决定请你，想问下你最快几时返得工？”。该求职者直言，“我份人就好记仇，天生，冇办法”，当刻她本能地回答“你唔使理我最快几时返得工㗎！你想我1号就1号，2号就2号，你讲咪得啰！”，然后就挂断了电话。

该求职者表示，“除咗自己小器之外，其实我手上系有一个confirm咗嘅offer，既然有得拣，梗系去正常嘅公司啦，一阵我上嚟签约你又跳掣咁点呀？”。

网民：凭咩发人烂渣 VS 应写明期望薪酬

网民留言热议，“填negotiable都有得in嘅公司，睇路”、“啲公司开post咪一样negotiable”、“掉返转讲，公司要求职者填expected salary咪又系想睇住嚟食，边个出价低咪请边个啰”。

有网民批评人事部职员，“其实工拣人人拣工，可以好声好气问，大家系对等，凭咩发人烂渣”、“可唔可以喺电话就倾咗人工大约几多先叫人interview”，有网民则指摘求职者，“正常应该系填个range，后面先括住写negotiable㖞！乜价位都无就写negotiable，nego条毛咩”。

网民：其实两边都系kam友

有网民指出两边都“唔抵帮”，“其实两边都系kam友”、“讲真两边都kam，一个eq低（唔知系咪公司请唔到人俾人捽），一个畀个expected salary都要呓契弟咁，唔信你正正常常畀个数佢会咁多嘢讲”。

有网民分享，“我send CV畀啲中小型公司文职都闲闲地过百人申请（招聘网有写），所以而家会直接写expected salary，费事浪费大家时间，你唔写上去见完公司又畀唔到你盏搞”、“我通常系请人𠮶个department head（部门主管），我最憎人写negotiable，你有料有本事就大大方方写个实数，最憎要人估，去到某啲级数，老板系唔会为咗悭𠮶少少钱而浪费个人才。最后因为咁小事同个HR结怨而臭朵，世界好细，山水有相逢”。

（Threads@officedailyhk）