【巴士／失物处理／九巴】乘搭巴士拾获失物要如何处理？有女生于社交平台发布影片，指凌晨乘搭往油塘的214号九巴时捡获乘客遗留手机，想交予司机处理，讵料司机以“站长收晒工”等理由拒绝，更反被责骂，无奈下只能自己保管并发文寻找失主。

事件引来网民热议，大部份都认为司机处理不当，又赞楼主做得好，“讲到好似你老奉要做咁，净系睇片都戥你唔忿气”、“你已经做得好好啦，系个司机X，唔好理佢！你好叻女”、“黐线，有人漏电话，佢有责任管理，而家唔做不特止，仲要闹乘客？”、“有时好心做人都咁难”。

九巴回复《香港01》表示，有既定程序处理失物，对于个别车长怀疑未有按照指引处理失物，公司十分关注。经调查后，决定对该名车长采取纪律行动。

巴士内捡获失物不可交予司机处理？该女生于社交平台Threads发布相片及影片，指12月24日凌晨于214号九巴车厢内捡获其他乘客遗留的手机，想交予司机处理，没想到反被司机责骂，悲呼“我仲要俾个司机闹，对唔住失主了”。

九巴女乘客捡手机失物　司机拒收兼责骂：收晒工啦啲站长

影片长53秒，楼主趁司机停车，捡起手机走到车头向司机表示“唔该，有人漏咗手机喺后面啊”。司机闻言回应，“你一系交畀差人啦，好无，我唔系站长嚟㗎”。

楼主解释“我（要）同你讲声㗎嘛”，并示意在这摆放手机，惟司机即反问“摆喺度啊？”。楼主回复“因为我有嘢做，咁我无可能交畀……”，司机再反问“交畀边个啊？我无理由带返屋企㗎！”。楼主表示“你可能返巴士总站要交低”，但司机仍然拒绝处理电话失物，声言“交低边个啊？收晒工啦我哋……𠮶啲站长！”。

女乘客终反击

无办法下，楼主唯有自行处理，“咁我保（管）”，司机则继续唠叨，“啱啦，啲站长收晒工，我又唔可以带返屋企，我带返屋企我唔啱㖞大佬！”。楼主闻言留下1句“我过嚟同你通知声啫”，然后走回车厢内部，影片至此结束。

发帖寻手机失主

而楼主事后在Threads发文寻找手机失主，“有冇人12:23 am安泰邨𠮶阵落车，漏咗部手机喺214往油塘嘅巴士”。

网民批司机处理不当：赖皮车长

大部份网民都认为司机处理不当，“讲到好似你老奉要做咁，净系睇片都戥你唔忿气”、“你已经做得好好啦，系个司机X，唔好理佢！你好叻女”、“梗系交畀公司失物部㗎啦，一个赖皮嘅车长，一个有爱心少女”、“佢嫌麻烦唔做，如果无站长，正常佢可拎返厂，佢唔会做完呢单收工唔返厂入油洗车收钱箱挂”、“投诉个司机，黐线，有人漏电话，佢有责任管理，而家佢唔做不特止，仲要闹乘客？”、“有时好心做人都咁难。事实真系个司机X”。

巴士失物如何处理？物品遗失在公车上怎么办？

根据《公共巴士服务规例》（第230A章）第15条，任何人发现任何意外地留在任何巴士内的财物，须立即将该财物以其被该人发现时的状态交予售票员；如该巴士没有载有售票员，则交予司机。而根据《公共巴士服务规例》（第230A章）第16条，巴士司机须尽快（无论如何亦须在12小时内）将该财物和将按照《公共巴士服务规例》第15条交予他的任何财物，以他获得该财物的管有时该财物状态，交予有关专营公司或该专营公司授权接收该等财物的该专营公司雇员，而该雇员须就该等财物向售票员或司机（视属何情况而定）发给收据。

任何人无合理辩解违反第15条或第16条条文，即属犯罪，可处罚款2,000元。