便秘人士有救啦！有“便秘按摩师”于网上发文分享，日前接了1位因戒烟导致便秘的中年男客，她一按客人腹部，立即感到“个肚硬、胀、气满到似打气泵咁”，按了不够10分钟，客人不适感终于有舒缓，还在她店内大便了两次。

帖文引来热议，网民惊讶“第一次听呢个‘师’”、“第一次听呢个职业，算我孤陋寡闻”，又笑言“第一次睇Threads觉得有臭味”、“按按下濑屎点算”、“你舖头厕所会唔会成日塞”、“好玩唔玩玩屎，btw，地址唔该”。

该便秘按摩师不时于Threads发文分享客人的求助故事，她直言“我做咗4年便秘按摩师，最怕唔系臭，最怕系个肠完全冇反应”。

便秘按摩师分享：中年男戒烟致便秘

按摩师日前接了1位因戒烟导致便秘的中年男客，“佢一坐低就同我讲：我戒紧烟，所以成个人好唔顺”。她一按客人腹部，感觉“个肚硬、胀、气满到似打气泵咁”，按了不够10分钟，客人“上面排气，下面又想去，个肠好似终于肯开口讲嘢”。

中年男按摩后店内大便两次

按摩师向客人说了1句真心话，“屁臭唔可怕，最怕系连屁都冇”，没料到“我接埋第二个客佢都仲未走，因为喺我间小店屙咗2次”。

按摩师强调，“只要唔整污糟洗手间，我系真心welcome，因为肯排＝条肠仲有救”。

网民恭喜中年男成功排便：戥阿叔高兴

网民留言笑说，“哇应该好X爽，个呀叔一定屙到只眼撑到两吋大，眼白都反埋，啲屎汉堡包咁大个，黄金体验，戥阿叔高兴”、“《华尔街狼人》告诉我，要懂得制造需要，相信呢个时候你租个厕所出去，收每6秒10蚊，唔系难度”。

有网民指出，“便秘唔系食纤维就得，一定要多水同埋要有油份，好多人都惊肥戒晒油，咁样系最容易有便秘，因为条肠冇油份系好难排便”。

有网民求救说，“点解英国冇您呢啲按摩师，上个月急性病住院，便秘3个星期，谷到好似有咗咁，伴侣影我相，佢啲friend留言恭喜几时生，日日饮医院派嘅药都冇用，谷到个人企唔直，宜家每朝要上磅，连埋水肿两星期跌咗13公斤，但仍然屙唔到呀！好挂住屙屎！”。

（Threads@6bookingfor1day.tt）