为人父母，哄子女开心可以去到几尽？有网民分享，近日在街头发现有红色Tesla（特斯拉）车身被人当“画板”，在上方涂鸦画画，当中有卡通人物、以及代表一家人的公仔。虽然画功不算完美，楼主估计是车主为博小孩开心而未有阻止，佩服不已称“好欣赏你嘅豁达”。

帖文其后引来车主注意，楼主指对方表示“只要一对仔仔开心就好”。有网民深受感动，“呢位爸爸好sweet”、“无画过嘅Tesla喺厂有几万架，畀自己细路呢个岁数画过嘅，得一千零一架”、“欣赏呢啲物主，每样物件都系享受！唔系做佢哋嘅奴隶，系享受个过程”。

私家车车身如画板　被涂鸦画画

该目击途人在threads帐号寻人，“听讲threads揾人好易，想同呢位爸爸讲声好欣赏你架车，好欣赏你嘅豁达”。从2张相中可见，1辆红色Tesla车身如画板，被人在上方任意涂鸦画画，亦贴有2个相信是小朋友的英文名、以及“Papa”贴纸。

车主回复：只要一对仔仔开心就好

若然仔细看，会发现车身被画上多啦A梦、星星图案、和写上“爸”、“哥”和代表一家人的公仔。楼主事后补充，车主留意到帖文并回复“只要一对仔仔开心就好”。楼主深感佩服，故祝愿对方家庭幸福，小朋友开开心心、快高长大。

网民感动：呢位爸爸好sweet

不少网民大赞车主“有爱”，“呢位爸爸好sweet”、“家庭关系一定好好”、“可能到老嘅时候你唔记得揸过咩车，但一定仲会记得你小朋友喺你部车画过公仔”、“无画过嘅Tesla喺厂有几万架，畀自己细路呢个岁数画过嘅，得一千零一架”、“呢啲先人生赢家，除咗晒自己架车，仲晒埋自己嘅仔女”、“特别版，独一无二”。

欣赏车主并非私家车“奴隶”　更着重孩子快乐

有人欣赏车主明白私家车只是“身外物”，更着重子女快乐，“我以前女上司有个名牌手袋都被仔仔画过吓，佢反而觉得好sweet一啲都唔介意，仲日日拎个手袋返工，无打算洗走啲画，我觉得都几特别”、“欣赏呢啲物主，每样物件都系享受！唔系做佢哋嘅奴隶，系享受个过程”、“老窦心谂揸出去啲石仔弹落架车都花㗎啦，畀仔女画画唔心痛，仲见到小朋友开心”。有留言猜测“应该贴咗膜（汽车漆面保护膜）”，相信无碍往后在二手市场转售，但他人觉得“但要接受到架车被画到花晒都唔介意嘅人一定系少数”。

（threads＠winniwong）