“俗语有云：吊颈都要抖下气！”有港铁女乘客于油麻地站月台偶遇工作中的爆红Rapper职员Hinson，惟她边拍片边与同行朋友一同大笑，问“点解佢唔讲嘢嘅？”，当时Hinson面露倦容，发现镜头后立即微笑和开声说rap式指示。

楼主的嬉笑态度引来网民气愤批评，“你哋好似当人马骝咁”、“你其实当人哋系返紧工定做紧戏畀人睇，你咁影住人笑其实系好无礼貌”、“尊重下人啦，人哋打份工”、“我都见过佢但唔会咁样影住人啰，人哋返工已经好攰仲要人招呼你咁，好冇教养”、“哥哥都要唞下㗎嘛，罚你两个下次买包喉糖畀佢”。

帖文引来Hinson现身留言，道歉说“望落比较攰，状态唔好”，他表示没有因被拍片而不高兴，“其实我冇所谓的，当系服务乘客，大家开心就好”。楼主亦留言道歉，“原来自己嘅行为咁影响人而且会令人反感，而家知道咗，以后我会多留意人哋嘅面色同埋感受，唔打搅人哋做嘢”。

该港铁女乘客1月13日于Threads发文发片表示，“地铁rap职员今日去咗油麻地”。21秒影片见到，楼主当时在油麻地站月台，rapper职员Hinson于扶手电梯旁工作，指示乘客及维持秩序，楼主起初与同行朋友一同大笑，问道“点解佢唔讲嘢嘅？”，朋友回应“唔知呀，但我想听佢讲嘢”，楼主附和“我都想听”。

油麻地站遇港铁rapper职员　女乘客狂笑问：点解唔讲嘢嘅？

Hinson发现被拍后，对镜头微笑，接着指示乘客“扶手电梯上，无分左定右，繁忙时间，请大家帮忙，两行上大堂，繁忙时间，请大家两行，一齐上大堂”，其间楼主与朋友仍有发笑。

网民斥楼主不尊重：人哋认真工作时你嬉笑指点

帖文随即惹来众怒，网民纷纷批评楼主不尊重，“楼主，明白你应该冇恶意，但如果你系出于欣赏嘅话，静静pay respect就好，人哋认真工作时你嬉笑指点，觉唔觉得有啲唔尊重人？人哋rap系份粮唔包嘅才华，更唔系老奉要‘讲嘢’娱乐你。请体谅服务业师兄姐工作嘅心，唔好做多余嘅事，为人徒添唔必要嘅压力”、“表现出似去动物园睇动物，冇家教𠮶种感觉”、“好难秒秒钟都讲嘢，咁会死”。

网民为rapper职员打气：有攰嘅时间系好正常！

帖文引来Hinson现身留言，道歉及解释道“唔好意思，因为我今日望落比较攰，状态唔好，可能会令大家误会我因为俾人影住而唔高兴，其实我冇所谓的，当系服务乘客，大家开心就好”。

网民留言为Hinson打气，“你唔系机械人，有攰嘅时间系好正常！而且咁有passion（热情），体力精力都用多几倍，攰就唔好rap住，抖下！赞x100000”、“好贴心，你听到人哋话想听你讲嘢就即刻讲了，呢种敬业嘅心态唔系人人都有，多谢你嘅good vibe”、“我觉得你系绷紧社会嘅调节剂，你嘅出现真系会令沿路嘅人开心咗，会微笑、开心样嘅人多咗，你可能令好多本来发生嘅冲突消失，期待你到中环站”。

楼主道歉：以后会多留意人哋面色同感受

楼主亦留言道歉，“真系好多谢咁多人嘅提醒同埋教导，令我明白原来自己嘅行为咁影响人而且会令人反感，而家知道咗，以后我会多留意人哋嘅面色同埋感受，唔打搅人哋做嘢”。

楼主解释，当时见到Hinson的感受是兴奋与惊讶，不知道职员会在不同站工作，“所以当下就笑咗同埋会好想亲眼睇人rap，但系我冇谂过自己会讲得大声到人哋都听到同埋即刻讲，之后我先知原来系咁kam同埋咁骚扰人，会令人有压力，所以冇谂咁多就影低同埋post咗，令人反感嘅话真系好抱歉”。

楼主反省道，“而家我明白自己做嘅嘢有咩问题，以后亦会改善同埋体谅多啲人，多谢咁多人嘅叮嘱同埋建议”。

（Threads@meli.shan_ng）