“边个咁大整蛊？”有谭仔三哥米线食客于网上发文表示，与朋友们于一分店内用膳，朋友拿筷子时发现上面黏有面包碎，好奇心驱使下拿起所有筷子检查筷子筒底部，竟发现内藏更多面包碎。

网民留言猜测，“呢单应该系客人恶作剧”、“呢单可能谭仔姐姐唔知咩事”，有人认为“直立筷子筒系垃圾发明，向上向下都一定污糟，有样盒叫横放揭盖”。

谭仔三哥小编于帖文下留言致歉，表示“三哥向来非常重视食品安全及卫生情况，我们已立刻将是次事件纪录在案，并会提升卫生及服务质素”。

该食客于Threads发文表示，与朋友们午膳时间去谭仔三哥米线，“怀住又肚饿又兴奋嘅心情行入舖头，嗌咗最爱嘅米线准备大饱口福”，最初2个人拿筷子时“完全冇发现有问题0阻力”，直到第三人拿的时候，才发现筷子上黏有面包碎。

谭仔三哥筷子筒藏大量面包碎

楼主当时换筷子后，向朋友们笑言“可能下面有更加多面包呢”，楼主说“朋友好奇心and行动力max，攞筷子对住个筒笃咗几下，发现个声唔对路，仲要软冧冧，就攞咗出嚟求证……结果！”。

网民：所以香港人会洗餐具先食

影片见到，楼主与朋友一同拿起所有筷子检查筷子筒底部，竟发现内藏更多面包碎，影片听到有女声说“好核突呀真系”、“佢成个面包喺入边呀？”。

网民留言表示，“向好方面谂，好彩面包啫，如果系啡色昆虫，一定反胃”、“几惊系跌咗堆曱甴出嚟”、“咁样养一两晚，每晚收舖一定有曱甴爬过入去”、“所以香港人会用杯水/茶洗餐具先食”、“上年开始已经有自备餐具嘅谂法，而家啲人劣质咗好多 只能控制自己避免，见唔对路就用私伙嘢”。

网民猜：似系食客放入去

有网民猜测，“似系食客放入去，自己店员会唔会XX搞X自己，除非有仇”、“咁X癫，实系啲CXS X客/小孩乱搞，咁X离谱塞蛋糕落去，拎起有阻力要即刻同阿姐讲”。

有网民指出，“之前食三哥有条细路攞晒啲筷子出嚟玩，佢老窦仲嬉皮笑脸觉得佢好得意咁，即刻同个遮遮（姐姐）讲，遮遮收返晒成筒筷子”、“明你嬲，但真系关缺德食客事。我食谭仔，都见到班小朋友将筷子拎晒出嚟玩砌图，唯有少出街食了”。

谭仔三哥致歉：会提升卫生及服务质素

谭仔三哥小编于帖文下留言致歉，“对于您不快的用餐体验，我们非常抱歉。三哥向来非常重视食品安全及卫生情况，我们已立刻将是次事件纪录在案，并会提升卫生及服务质素”。

网民建议道，“全线检查所有筷子筒，可能要换晒做透明更好”、“好似日式餐厅𠮶啲咁，用打横筷子筒啦”。

（Threads@omg._.qaq）