怀孕不能搭港铁？有孕妇在网上大呻下班搭乘港铁，列车靠站时被1对中年情侣从背后强推入车厢，她即时大叫“唔好推大肚婆”，当中阿叔未有道歉，竟称“搭地铁预咗俾人撞，大肚婆咁巴闭坐私家车”，对方同行女子亦指责她不走进车厢较入位置“你自己攞嚟”。楼主指阿叔之后故意转身揈袋，觉得对方无赖，但全车没有人为她发声，委屈无助只能落泪。

网民纷纷指大叔蛮横，“都唔讲系咪大肚婆，你上车撞到人Sorry都唔识讲”、“点解大肚一定要搭的士？唔系我搭唔起，系我都有选择乘搭咩交通工具（权利）”，同时建议楼主在挤迫环境切记自保，“有时可以出声，例如拍下隔篱左右问下可唔可以同你换个位企，出到声应该都会肯帮你 ”、“我大肚𠮶阵每次都大动作摸肚，就算无人让座至少啲人唔会撞埋嚟”。

孕妇搭港铁被推入车厢　叫停大叔反被闹：咁巴闭坐私家车

该准妈妈在threads发帖，指下班搭乘港铁到达太子站时，被1对中年情侣“一嘢喺背脊推入嚟”，她当时立刻护住孕肚，大叫“唔好推大肚婆”。讵料当中阿叔竟语出惊人，表示“搭地铁预咗俾人撞，大肚婆咁巴闭坐私家车”，同行阿婶亦附和指责楼主为何不行入车厢内，“你自己攞嚟”。

大叔疑不满上车受阻　再故意揈袋

楼主在帖文交代，当时车厢其实已经没有空位，她当场反击两人，“点解大肚婆唔可以搭地铁，问题系你撞到我”，形容阿叔之后故意转身揈袋，指“个背囊点睇到你系大肚？”楼主不懂应对，觉得对方横不讲理兼无赖，但全车没有乘客为她发声。两人搭乘2个站后下车，楼主则无助地落泪，忆述事件觉得委屈，“谂起都想喊”。

网民狠斥无品：上车撞到人都唔识讲Sorry

许多网民斥责涉事情侣无品，“好多大肚婆都要返工㗎，唔通日日搭私家车、的士咩”、“撞到人关大肚坐唔坐得地铁咩事？”、“都唔讲系咪大肚婆，你上车撞到人Sorry都唔识讲，系咪个脑踩住喺脚底？”、“唔系每个人都有老婆、女儿，但系每个人都有阿妈生，应该要尊重每个大肚婆”、“点解大肚一定要搭的士？唔系我搭唔起，系我都有选择乘搭咩交通工具（权利）”、“回佢‘小心地滑（时辰未到的终有日还）’就可以了 ”。

孕妇繁忙时间不能搭港铁？　网民教如何自保

有人指大肚婆的确“大晒”，面对无赖应要反击，“你咪揞住个肚坐低大叫：好痛啊，有人撞大肚婆啊”、“你揿住个肚扮痛，然后报警”，又提醒她繁忙时间谨记“自保”，“有时可以出声，例如拍下隔篱左右问下可唔可以同你换个位企，出到声应该都会肯帮你 ”、“我大肚𠮶阵每次都大动作摸肚，就算无人让座至少啲人唔会撞埋嚟，繁忙时间尽量搭巴士”、“唔好动胎气，我估点解无人同佢哋嘈，应该系觉得嘈佢哋都嘥气，因为呢啲人好自私，唔会觉得自己有问题。下次遇到呢啲人直接X，唔好有一刻俾人觉得恃着个肚博啲咩”。

大叔无心之失？　疑同车乘客爆车厢情况

有疑在同车乘客则讲述当时车厢情况，并安慰楼主，“当时楼主应该（企）喺门口位附近，我企喺隔住成村人的下一个门口，其实我𠮶边啲人都有望过去睇发生咩事，但因为人太多，我连楼主同阿叔都睇唔到，净系听到声。当见唔到个情况时，好难因为楼主系大肚婆就帮，阿叔出声就X，最多叫大家唔好嘈一人少句。同意楼主无啦啦俾人撞系惨，但放工迫地铁有时真系睇唔到咁多，阿叔第一下唔知真系唔出奇，希望楼主释怀啦，take care”。

（threads＠call.it.diary）