厕格内没人也被上锁？有女生于网上发文投诉，港铁屯马线屯门站女厕9格厕所，被锁剩两格供人使用，不满指“企喺度等极都未有厕所！急尿就真系濑到X街”，质疑清洁工不想清洁，故意锁起厕格。女生当场质问清洁工，“阿姐你无理由唔知锁晒㗎㖞”，清洁工回应的1句，令她更怀疑“阿姐扮唔知”。

网民质疑清洁工，“肯定系佢锁，咁佢咪只需要清洁两格”、“阿姐系咪睇咗啲咩薪水小偷攻略”、“呢个真系要大推，愈来愈多厕所厕格上锁，我真系以为系坏咗！原来系阿姐偷懒，黐线，女厕条龙系真系可以好长！”、“一直都有，有时间喺朝早沿住观塘线每个站睇，会发现全部lock晒，入面冇人”。有网民教路，“你真系急的话，5蚊硬币开到门，呢啲门为咗救人，隔篱个凹位设计成可以扭开”。

港铁回复《香港01》查询时表示，1月19日晚上9时许，屯门站1个女厕有部份厕格没有人使用但门被锁上，清洁人员其后打开厕格，让乘客使用，车站会密切留意有关情况。

该女生于Threads发文怒斥“严重投诉！”，她1月19日晚上约9时于屯马线屯门站使用女厕，“发现9格厕所，锁剩两格厕所俾人用！其余7格都系上咗锁，企喺度等极都未有厕所！急尿就真系濑到X街”。

屯门站女厕厕格被锁　9格仅2格可用

女生续说，“呢单嘢一定要投诉，仲要个阿姐扮唔知，见我影住佢，佢即刻攞返条锁匙出嚟开，真系想问可以咁样锁住唔畀人去？”，女生质疑清洁工不想清洁，故意锁起厕格。

女生拍片证厕格内无人：急尿点搞呀

女生指出，“我前面个女仔入去爆石，我同后面个女仔一齐排队，我哋都等咗8分钟，我屙完行返出嚟，后面个女仔话等极都冇人出嚟！我哋两个研究咗啲厕格先知系完全冇人！佢同我都躁咗！有冇屯门人试过”。

影片见到，女生逐个厕格敲门，共敲了7道门，虽然显示锁起，但内里均无人回应，女生不满道“大佬，人哋急尿点搞呀，你话”，随后更蹲低拍摄厕格内并无见到有脚。第二段影片，女生质问清洁工“阿姐你无理由唔知锁晒㗎㖞”，清洁工回应说“我要清垃圾过去”。

网民分享同类经历

网民留言指出，“屯门站好多时都系咁，连日头都系。试过几过人排队，开得两格，清洁工企喺洗手盆旁边，有个阿婆话急尿，叫个清洁工开个厕格，清洁工话唔得”、“之前经常去钻石山站（闸内），发现差唔多次次个厕所门口都系有条带拦住清洁中”。

有网民分享商场厕所也出现此情况，“某商场，男厕我见过阿姐用黑胶袋同胶纸封X咗两个尿兜扮晒坏咗咁，我X佢老X，我拆落嚟，感应冇坏，水照样会感应自动冲洗，尿兜好X干净，完全系1个完美冇坏嘅尿兜。去上层，又系咁！不过呢次好啲，3个尿兜，只封两个，留1个施舍畀你用，真系X街到冇人有。X佢老X摆明想偷懒！”。

（Threads@sukisukilili）