搭小巴可预留最佳位置？本港社交平台Threads流传影片，指有慈云山往佐敦红色小巴女司机，因有中途上车的客人“book咗位”，竟喝令1名老婆婆转坐后面位置，以让出“预约”座位，更扬言“唔坐（后面）就落车”。其他乘客不满与司机争吵，但由于赶时间，乘客之后劝喻不要再吵架，要求开车，惟女司机拒绝照做，声言“开车需要情绪”。

影片引来网民热议，不少人惊讶，“小巴有得book位嘅咩？”，有人则指专线小红打电话留位属平常事，否则中途站恐长期难上车。亦有人认为“情绪咁唔稳定，真系唔适宜揸公共交通工具”。亦有网民建议向运输署投诉。

“唔知有冇住慈云山嘅人坐过去佐敦嘅小巴，应该都明白我嘅感受”。有乘客于社交平台Threads发布影片，指1月30日下午1时许等小巴等了差不多半小时，“个个人都等到有啲燥底”，讵料一上车有1名坐最前排的老婆婆，被女司机要求让出座位予“留位客”使用，“个阿姨（司机）就叫佢（老婆婆）坐入面𠮶个位，话有人book咗位”。

慈云山小巴女司机为“预约客”要求长者让座

楼主表示，老婆婆不愿意转座位，“话佢坐先嘅点解唔坐得”，女司机随即责骂老婆婆，“直接叫佢坐后面”，更扬言“唔坐就落车”，其他乘客见状帮老婆婆“围攻”司机，“咁后面啲人就帮个婆婆一齐闹返个阿姨，后尾因为个个都赶时间，先叫个婆婆唔好再同佢吵”。

影片长53秒，见到有乘客正高举手机拍摄，司机即命令“你快啲同我删咗个相啊！”。有乘客要求司机开车，“开车啊，大家都要去医院啊吓”，惟司机没理会，转身望向前方，未打算开车，随即有乘客喝斥“你唔开车，畀返晒啲钱人”。

被乘客围攻拒开车　女司机：开车需要情绪

司机闻言激动反驳“我点开车啊大佬，大哥！开车需要情绪！你咁样闹我点开先！”，疑似老婆婆乘客反呛“你个情绪唔稳定唔好揸啰”。司机再次转身没有回应，惟疑似老婆婆乘客再揶揄“你情绪唔稳定啊嘛，唔好揸啊！”，司机重申“你影响我情绪我点开啊？”。

这时其他乘客劝喻勿再争吵，“唔好再嘈啦，大家都想开车，佢（司机）都收咗声啦”，但疑似老婆婆乘客深深不忿，“佢攞手机影人相啊，影我相啊！”。之后车厢回复平静，但直至影片结束，司机仍未开车。

楼主补充，一开始老婆婆不愿望调往后面座位，女司机即时取出手机对着老婆婆，才会令婆婆发怒，“因为个阿姨拎部手机对住个婆婆，个婆婆先会发咁大脾气”。

网民吁向运输署投诉：情绪不稳不宜驾驶公共交通工具

网民看过影片议论纷纷，“小巴有得book位嘅咩？”、“我孤陋寡闻，而家先知有打电话留位呢样嘢……”、“终于畀全世界知道呢条线有几X街”、“情绪咁唔稳定，真系唔适宜揸公共交通工具”，又建议向运输署投诉。

不过亦有网民认为，“坐小巴呢啲，梗系要坐入面㗎啦，个个自私坐晒出面，有时真系见唔到仲有位㗎，仲有……好多小巴都有电话留位㗎啦你唔系唔识呀？个个总站上满晒咁中途唔使坐啦，定系要个个人都要回头去总站搭呀”、“得罪讲句，佢态度差系可以话佢，但系红小巴打电话留位已经系好多年前嘅事”。

（Threads@petersa0918）