花墟年宵售糯米糍满布霉菌！女食客嬲到公审 网民：好彩无即场食
撰文： 乔纳森
出版：更新：
不少人爱行年宵感受新年的欢乐气氛，但有女网民行年宵却遇上不快经历，她见花墟年宵摊档的贺年糕点价钱相宜，于是买回家品尝，却发现其中一盒黑芝麻糯米糍，其中一件满布白丝疑似已发霉，她嬲到放上网公审提醒大家不要中伏。不少网民留言，“好彩你无即场打开食，个场咁黑一定睇唔到霉”、“你还是全扔咗佢，一件发霉，其他都会，临近新年期间，好多私家医生放假，唔好博！”。
楼主大呻在花墟年宵买到发霉糯米糍。(Threads@caorzrly)
年宵买到发霉糯米糍
有女网民在Threads上发相，大呻在年宵买东西中伏，她见有摊档的贺年糕点100元任选5盒十分抵买，于是买了黑芝麻糯米糍回家，可是当时她指天黑看不清楚，回家才发现其中一盒糯米糍的黑芝麻上面发白，满布霉菌，“都唔知摆咗几多日先至摆到发霉，个档系街头嘅，除咗糯米糍仲有其他糕点新年小食卖”，劝大家小心不要中伏。
网民劝不要吃，“一嚿发霉，应该全部都唔使食”。（Threads@caorzrly）
网民：全部都不要吃
帖文引来不少网民留言，“好彩你睇到，如果系我可能以为系糖丝特别版食咗下肚”、“Crossover龙须糖嚟嘅啫”、“好彩你无即场打开食，个场咁黑一定睇唔到霉”、“一嚿发霉，应该全部都唔使食”、“惨！不能食了”。