【利市／利是／新年】今时唔同往日，过农历新年时，小朋友未必想主动讨利市！有90后港男在Threads抱怨，觉得现时的小朋友“完全唔在意你派利市”，场面变得像是他“迫收利市”，“我觉得有种跪地呓契弟的感觉”。帖文引发网民共鸣，分享新年派利市的嬲爆经历，“畀完都觉得自己好折堕”、“细咩路，仆X就真”。

网民认为客观原因是“利市追不上物价”，现时小孩被当成宝，过时过节都有亲友派钱，“我个女一岁未够都过皮”。但也有网民觉得不应怪小孩，不少人自细已不想收利市，“算啦，做过细路都唔想为难佢哋，见到佢哋个尴尬样就谂翻起自己细个畀人当马骝咁舞，其实讲真宁愿唔收”。

90后港男“迫”小孩收利市：有跪地呓契弟感觉

港男在Threads分享派利市的情况，他是90后，问网民有没有发现现时的小孩，即亲戚的小朋友“完全唔在意你派利市”，结果新年开心派利市“好似我迫佢收咁，我觉得有种跪地呓契弟的感觉”。他补充指，派的利市虽然钱不多，但这口气却难以下咽，“即系派畀亲戚啲细路都系一百几十唔系说咩钱，但系呓佢要𠮶下个心觉得唔舒服”。

网民分享受气经历　“畀完都觉得自己好折堕”

未料帖文一出引起“最气愤的一群人”热烈回响，纷纷分享过年派利市受的气，“讲真，作为一个90后老嘢我都唔想派畀啲无礼貌细路，宁愿出去派畀啲清洁工好过，畀完都觉得自己好折堕”、“咪鬼派啦，又冇礼貌，平时又冇交流，十问九唔应，都唔知依家啲细路想点，几岁人仔就厌世样，氹佢开心搞到自己好似小丑咁。以前我都有俾大利市我侄仔，今年算了，平日又唔见面，俾钱佢都唔多谢我”、“试过派完畀亲戚小朋友之后多谢都无句就行开咗”、“期待GEN Z 整顿世界，废除埋派利市呢个传统习俗”。

派利市被拒收：佢打住机答我唔要

更有网民气得爆粗，“细咩路，仆X就真，11、2岁话唔知点解要为咗钱去拜年，俾佢阿爸闹，我仲特登同佢讲，唔驶讲我都会畀利市你，佢打住机答我唔要，望都冇望我，连续2年都系咁，系你老豆叫你拜年，我一粒声都冇出过亦冇勉强佢，无家教到”。

有留言笑称90后是由细到大新年都要说祝贺说话，但对象不同，“90后细个要对长辈讲一堆祝贺说话先收到一封利市，然后廿几年后，都系要讲一堆祝贺说话，先派到利市”。

不要利市有客观原因？利市钱追不上物价

网民提到现时小孩看不上利市有客观原因，现时儿童物质更丰富，利市钱亦追不上物价，“ 30年前嘅20蚊同现在购买力差几倍？”、“廿几年前20蚊同而家20蚊”、“因为𠮶啲细路唔知道咩叫穷，未试过穷嘅时候可以有几卑微”、“逗廿蚊鸡又要扮x哂蟹咁讲埋啲客套嘢，依家啲细路唔争𠮶廿蚊”、“而家利市钱追唔上物价，叫爸爸妈咪买就得，唔同我哋细个一封已经买到好多嘢，贵𠮶啲玩具几封就买到”。

因为出生率下降，更多小孩被“当成宝”，过时过节就有钱收，“我两个仔，6岁、8岁，已经过一皮野 HKD（港元）身家，仲有日圆、台币、美金未计，全部都系啲亲友过时过节畀，点会仲恨新年果一千几百蚊利市”、“我个女一岁未够都过皮，依家个代好多都系要乜有乜”。

网民指不应怪小孩：做过细路都唔想为难佢哋

但也有部份网民觉得不应怪小孩，自己自细也不想收利市，“算啦，做过细路都唔想为难佢哋，见到佢哋个尴尬样就谂翻起自己细个畀人当马骝咁舞，其实讲真宁愿唔收，见到唔熟𠮶啲亲戚，要人起势咁讲恭贺说话好似好贪佢个几廿蚊咁，真系好辛苦”、“细个已经觉得好无谓，你系想俾钱我又驶乜等新年，然后又总有一堆人话自己收到几多几多，点知到大个仲衰，斗你用咩利市封封俾人，onX到无伦”、“我系80后，我由细到大其实都麻麻哋派收利市呢个习俗，收𠮶个要好唔情愿咁讲恭贺说话，四万咁口喺度傻笑，不过都同楼主及各位身体健康，老少平安”。

（Threads@chef_chrisleung）