农历新年大年初三“赤口”传统不宜拜年，不少市民都会前往庙宇拜神求签。有港男在网上发文分享惨成“水鱼”经过，指当天和女友到车公庙求签，光顾庙外1名解签师傅，对方称其女友“运势差”又要“作福”，两人最后被收取逾6,000元，事后醒觉“被揾笨”，无奈指“当畀咗智商税”。

事件引来网民哗然，“六千几蚊转头走啦，摆到明诈骗㖞”、“神棍系你哋呢啲人养大”，笑称“我算到你今年会破财”。有人批评解签师趁新年“掠水”，“点解宜家车公啲解签佬变成咁，以前真系老实，解签个价系实价”、“喺神面前做缺德嘅事，佢都几大胆”。

年初三拜车公　庙外解签被收逾6,000元

“风水佬果然都系㓥字派”，该港男在threads帐号“samuelming_”发帖，指大年初三（2月19日）和女友到沙田大围车公庙求签，他记得往年约50元解一枝签，但他今年到庙外光顾1名陈姓解签师傅，对方声称其女友“运势差”，解签时要求为他们“作福”，两人当时不懂反应没拒绝，最后被收取逾6,000元。

港男叹成水鱼：当畀智商税

楼主表示，他分享事件旨在“自抽（水）”和警世，劝喻他人若有需要解签，应该要光顾庙内的解签师傅，“就算听到咁贵，唔好学我企唔硬”，无奈苦呻是次经历“当畀咗智商税”。

网民指如同诈骗：神棍系你哋呢啲人养大

帖文引来网民震惊，“六千几蚊转头走啦，摆到明诈骗㖞”、“点解会畀”、“佢揸住支枪要你过数吗？”、“你第一次去？唔系弱智好难会发生”、“神棍系你哋呢啲人养大”，又揶揄“6,000蚊，我想知你系事前定事后先知？呢单嘢睇得出你有劫数”、“我算到你今年会破财！”

解签师傅不老实VS愿者上钩？　网民：当买个教训

有人批评个别解签师傅趁新年“掠水”，“旧年都好似系$20一支咋㖞”、“点解宜家车公啲解签佬变成咁，以前真系老实，解签个价系实价”、“喺神面前做缺德嘅事，佢都几大胆”、“我帮人做个大批（算命）下下讲粒几两粒钟，都系收人$599咋”、“6,000几蚊开盘睇流年，睇埋你屋个风水都仲得”、“攞一半捐去公益金可保你全年大吉，总好过畀风水佬”。但有留言觉得“愿者上钩”，“无问清楚收几多就揾人解，又肯畀钱嘅呻都无谓啦”、“做咗水鱼，买个教训要识得拒绝”。

（threads＠samuelming_）