农历新年派利市志在讨个好意头，送上祝福，不过有港男介意利市金额，于网上发文批评有人派10元利市给他，直斥“真系无耻”。

帖文随即引来网民炮轰楼主，“原来有啲人真系无耻到可以连$10嘅利市都要开po X”、“你够无耻啦，咁X大个都乞钱”、“几廿岁人仲为咗10蚊斤斤计较”、“利市只是意头和心意，不是欠你的”、“太多唔识感恩嘅人，每样事都好似理所当然咁”，另有网民分析为何会有人派10元利市，包括经济状况差及并非熟人。

该港男于Threads发文批评：“原来有啲人真系无耻到可以封$10嘅利市。”

港男斥新年派$10利市无耻遭炮轰

网民蜂拥到留言区猛批楼主，“因为你净系值10蚊啰”、“有得收已经好好，仲嫌少”、“欠X咗你咩，应该写恭喜发财封入利市封畀你，10蚊佢畀多咗”、“下次人哋派利市畀你之前，你讲明少过几钱唔收，唔好嘥人哋钱”、“你如果有机会可以封利市畀人，系咪100元起呀？”。

网民分析派10元利市原因

有网民分析为何会有人派10元利市，“今时今日仲封$10利市只有两个情况：1/老人家闲钱唔多，要悭住用嘅人；2/封畀啲闲杂人等例如第一次见嘅大厦看更、酒楼侍应、冇乜交情又走嚟搲利市嘅人等等，唔知你中边样？”、“好多老人家都封$10因为好多都冇收入，靠长者生活津贴生活，$10都系1份心意”。

有网民指出，“派利市系意头，志在分享福气同好运，派得10蚊即系话畀你知佢哋都唔算好景，能力有限，而唔系老奉要派，其实佢1句跟咗西方习惯就可以唔派，你有得收就好感恩啦，嫌三嫌四你今年唔方好运得去边，有咩都系自己攞嚟”。

（Threads@silence_of_the_dog）