“Blame the victim（指摘受害人）？”有香港女生于社交平台Threads发帖文，指她穿着短裙乘搭港铁东铁线列车时，遭1名阿伯非礼，女生的母亲与阿伯爆发骂战时，旁边竟有男乘客大叫“女仔就唔应该着短裙，着得短裙就预咗俾人摸”。事主闻言大怒质问“点解女仔着裙就要俾人摸？”，全车乘客亦一同责骂男子；男子被“围攻”想走，但被拦截。最终事主报警，男子后续辩解更是震撼全网。

网民纷纷批评该名男子观点离谱，又大赞女事主勇敢，“cXs！咩叫短裙就预咗俾人摸”、“完全好唔尊重女性啰”、“推，你好勇敢！”。

“今日搭东铁，见识到乜嘢叫做真正嘅人渣”。该女生于2月28日在社交平台Threads发文讲述事件。她忆述，乘搭东铁线列车时，被1名阿伯“搏懵”，其母亲于是与阿伯争吵。没想到这时候，旁边竟有1名男子大声叫，“女仔就唔应该着短裙 ，着得短裙就预咗俾人摸”，令她大感不满，站起身质问男子“点解女仔着裙就要俾人摸？受害者要检讨自己着衫问题，但系非礼人嘅人就唔使控制自己”。

港铁女生被阿伯非礼　男乘客呛“着短裙预咗俾人摸”惹公愤

楼主表示，全车乘客不论男女都与她一起责骂该名男子，而他竟反呛“你好X烦呀！收嗲啦八婆！”。楼主续说，列车驶到旺角东站时，男子想离开，但被她与好心帮心的路人截住，而当男子知道她要报警，即时“转軚”称“乜都冇讲过”，却又揶揄“咁惊俾人摸，你以后咪搭交通工具啦，就算搭交通工具都唔好坐低，以后都唔好着裙啦，着长裤啦”，令楼主“听到呆咗”。

男乘客想走被拦截　后续震惊全网

楼主指，警察到场后，男子“开始扮嘢”，“无啦啦指住个蓝牙耳机话自己有弱听，眼又唔好，根本唔知发生咩事”，令楼主疑惑“头先叫我收嗲𠮶阵又唔见你弱听？”，强调“我唔会因为着短裙而觉得羞耻，真正要羞耻嘅系呢种物化女性，然后仲要扮残疾甩身嘅废物”。

网民赞女事主勇敢　斥男乘客离谱：好唔尊重女性

帖文引来网民热议，网民纷纷批评男子离谱，大赞事主勇敢，“cXs咩叫短裙就预咗俾人摸”、“啲人真系好X街！”、“完全好唔尊重女性啰”、“真cXs！唔知以为香港变左塔利班”、“你同你妈咪好勇敢好叻女呀！希望你维权路顺顺利利，个阿伯同男人都受到应得嘅惩罚！”、“睇字都觉得嬲，如果我喺现场我一定帮手闹佢”、“好彩成车人帮手闹”、“佢都戆XX！金舖摆啲金出嚟唔通又预咗佢偷啊？无自制能力嘅人应该检讨点解自己无能力控制住自己犯罪嘅冲动，而唔系去检讨其他人无足够防范”。

不过亦有网民认为男子有言论自由，“个男人冇错”，又质疑报警有何作用。

女事主：非礼人或乱讲嘢侮辱人，都需要得到应有惩罚

楼主之后回复网民，指当时涉嫌非礼的阿伯在列车到站时，“趁住场面混乱喺开车门𠮶阵劲快就跑走咗”。至于涉事男子，楼主说“我报警嘅原因系因为我觉得呢位先生已经系完全唔尊重女性，并且有性别歧视嘅倾向，所以我选择咗报警处理，最后暂时警署𠮶边开咗File，然后我可以选择去警署攞返佢嘅资料行民事去告佢”，强调“非礼我嘅𠮶位阿伯确实系走得好快，但系查返CCTV就会捉到佢，无论系非礼人嘅人，定系乱讲嘢侮辱人嘅人，我都觉得系需要令佢哋得到应有嘅惩罚”。

楼主最后重申，“虽然我唔知我嘅做法究竟有冇用，或者啱唔啱，但系我只系唔想畀呢啲人可以唔使对自己讲完嘅说话去负责，亦都唔想畀佢可以再言语去到伤害到其他人”，又期望藉帖文“警世”，“希望各位男士女士都小心”。

（Threads@iam_auhoiting）