拜山遇上“坟场老鼠”！有女生于网上发文表示，清明节翌日（4月6日）去拜山时，目击1名中年女子偷取拜山生果“断正”，被发现装了一大袋，清洁姐姐称坟场经常出现盗窃事件，无奈道“成日都入晒清洁姐姐数，都赔咗几次”，不过坟场负责人最终竟放过该中年女子。

有网民惊讶负责人未有报警，“那清洁姐姐赔的钱算甚么？当然报警啊！”，不过也有网民说，“呢啲报警警察实做嘅，不过为咗个苹果就好无谓，就算官判刑都系好轻，呢啲人自然会有先人问佢追返个苹果㗎啦”。有网民指出，拜祭完后应将祭品带走，“拜完之后自己执返啲祭品啦，食物系畀人食嘅”。

该女生4月6日于Threads发文讲述事件，她当时“拜拜下听到好嘈”，见到坟场负责人和清洁姐姐捉住1名中年女子，不让离开，“听咗一轮，大概就系个女人系咁拎人哋拜完之后放喺度嘅生果，用1个环保袋装住咗1大袋，系当场断正𠮶只”。

拜山遇坟场老鼠！大妈偷一大袋生果断正

女生说，负责人直指行为属盗窃，中年女子辩解“我唔知㗎，谂住唔好嘥㗎咋，我第一次嚟”，清洁姐姐质疑“我跟咗你尾好耐，影晒相，睇你咁熟手一定唔系第一次”。

清洁姐姐：唔见嘢入我数赔咗几次

女生称赞清洁姐姐“真系好醒好叻，识得唔打草惊蛇，影埋相有证据断正”，她其后听到另1名清洁姐姐说，“坟场唔见嘢，成日都入晒清洁姐姐数，都赔咗几次”，不过负责人请示上司后最终放过该中年女子。

女生表示，“唔知佢拎返去系自己食/送畀人/卖返出去，环保归环保，偷嘢还偷嘢，都唔应该系咁做”。

网民惊讶负责人没报警：为什么放人走？

网民惊讶道，“为什么上司可以放人走？那清洁姐姐赔的钱算什么？当然报警啊！”。有网民则说“边个场？等我哋可以小心啲，楼主功德无量！”、“偷完唔觉佢会食，觉得佢会拎去摆地摊卖畀人，始终会有人买贵嘢畀先人”。

有网民表示，“偷咗边个嘅，当事‘人’会做嘢㗎啦”、“预咗畀露宿者食埋，有时重得滞唔想带返落去”、“一直以为啲先人食完再畀啲浪浪食，估唔到有人偷”、“平心而论，啲祭品我唔会拎走，清洁姐姐拎去好过当垃圾，问题系，如果注香都未烧完就拿走，畀我都嬲”。

在香港犯盗窃罪可判监几多年？

根据香港法例第210章《盗窃罪条例》第9条，任何人犯盗窃罪，即属犯罪，循公诉程序定罪后，可处监禁10年。

（Threads@ritacy__）